呢張相大約十幾年前影，Mommy果時好後生

呢張相今個月頭mommy生日影，我哋四個已經大個晒，但mommy原來都無咩點變!原來後生結婚生bb有好處!

我哋四個邊個變得最多呢?細佬變得最高，zeno變得最瘦，sofia反而肥過細個，我呢????

我係大家姐,抱住果個係細佬,佢細個最得意，但大過左就好man,好似我阿哥多啲?zeno細個肥嘟嘟好搞笑,總之屋企成日都好熱閙啦!!((後面個男仔我哋唔識))

今日終完唔駛再攞把遮出嚟用,太好哪!

星期日番總行超開心，無咩嘢做又自由

若果我頂得順呢份工嘅話，從同事中得悉我可以要求一年帶三團，我心目中嘅首選係…………………….北韓

今日係父親節，一家人去左稻香打邊爐((我Daddy最鐘意))超熱閙((一家六口))

如無意外番埋聽日就有假放，好期待

放埋假就正式落行，好緊張!!!!!

今日番晏，十一點半，但差唔多四點先食晏，因為人手不足。

明天無得放假，無得睇一年一度嘅旅遊展，亦都因為人手不足。

有時分行要一個人番全日(踩hold)，只因為人手不足。

究竟幾時先會有足夠人手????

點解呢排成日都落雨???仲要落親都咁大搞到全身都濕晒，我好想買一對水鞋!

番工嘅時間都係過得好慢咁仍然都係答無聊問題，答到自己都有啲無聊!!

以下有精采嘅對話–

客A：去澳門坐呢隻船暈唔暈????

我；?????咁你去開澳門坐船會唔會暈呀???會嘅咪會囉…………………….

**************************************************************************

客B：你FAX啲集合時間資料比我

我：好,但你無得攞旅行袋WOR.

客B：咁旅行袋有幾大,FAX俾我LOR.

我：就算有幾大都FAX唔到俾你WOR………………………

**************************************************************************

仲有無數咁多精采對話，能盡錄，原來番工咁開心????

((今日知道星期日放唔到假，好灰呀))

新エ只係番左兩日，但自己覺得適應得頗快，可能同之前嘅エ作性質差多吧!只過唔駛再出團(但有時可能要出)

得悉這間公司人手不足，放假方面有好大可能放唔足,甚至十日先有得放！唉,可能之前玩左咁耐所以而家要辛苦番

面對嘅客人咁多年仍然非常有趣，經常不能理解佢哋嘅查詢，問非所答，非常佩服。

幾時先再有悠長假期???

我又無晒時間影相!