Varanasi -恒河,印度教徒心目中的聖地,他們深信只要能夠喝一口恒河水,淋浴於恒河中以洗清罪孽以及死後把骨灰撒在恒河裡,都係他們一生中的重要事情。所以有好多印度教徒就算要瞓街瞓火車站都係希望到此地朝聖。
每日都會見到相中所見嘅場面,有好多好多人喺條河沖涼,尤其係每日清晨時間,無論男男女女,大人還是小朋友,都會在河中淋浴,甚至乎在游泳。而旁邊亦有人刷牙洗衫煮飯,有小朋友玩水,亦有依靠遊客坐船遊覽嘅船夫在兜生意,總之場面好熱閙。
而喺距離遠嘅河階(Manikarnika Ghat)就係著明的火葬場,由於要尊敬死者的關係,所以嚴禁拍攝,只好在遠處觀看,偶然會見到一啲白色煙慢慢升起,不過就算你近距離都唔會見到啲咩,所有屍體都用布包着,不會覺得恐佈,反而旁邊嘅氣氛更令人慨嘆,原來死亡同我哋好接近。
除了火葬還有水葬,因為並不是所有人皆可以選擇火葬儀式,如果死者是小孩子、孕婦或被蛇咬的人也不可以用火葬。
我就住在河階旁的民宿,經常性都可以看到不同的遊客都愛對着恒河坐在河階上發呆,又可能係冥想吧!我可沒有他們那麼有閒情逸致,河階旁邊不是有牛就是有羊,地上盡是動物糞便,亦有很多煩人嘅船夫不斷問你要不要坐船遊覽,這樣的環境下,我選擇坐在民宿的露天餐廳,一面望著恒河,一面喝著可口可樂(可惜不是凍的),再聽著i-pod又或者與不同國藉遊客間談,在這裡幾天的黄昏都是這樣渡過。
hi, 我係精選度link 過黎你個blog ga!
你自由行去印度好勁呀!
你好左幾多日呀? 我都好鍾意自由行,不過實在有太多地方想去,唔知幾時會去印度呢
多謝到訪~ 我去了兩次印度,每次都去了一個月多啲~ 你都快啲去~
HEY! 我在尼泊爾去印度廟Pashupatinath, 話說個度條河係恆河個源頭. 我見d人洗澡, 洗腳, 係河旁邊有幾個屍體燒緊, 燒完就將d灰撒落河……我仲記得個種味!
我成日唔明, 有咩宗教信仰唔係問題, 但點解咁盲目, d水飲完真係有問題呀!
有時佢哋對宗教嗰種……….投入,我哋真係好難理解?!
民宿簡陋嗎?
咁近恆河, 會否好嘈?
http://hk.myblog.yahoo.com/pinky-hung/article?mid=349
u can go here to see see more about that!
我都會去Varanasi呢邊!如見到火葬儀式,感覺應該好震撼!
其實都特別!睇一陣好哪,好又多人