但等極都唔見人,
開始有啲火…..
唯有問附近啲人用佢哋嘅電話打去嗰間旅行社,
點知道假期係無人聽嘅 !?
就喺好無奈唔知道點嘅時候,
我哋嘅嚮導出現了,
原來佢一直喺裡面等,
而我哋就喺出面等,
小誤會,
遲了幾十分分鐘,
終於上車出發 ~
我哋先去睇寺廟同再去行山 .
途經這條河是中國,印度和巴基斯坦三個國家河的交匯點~
再去寺廟和佛學院看看 ~
裡面有好多值得去睇嘅壁畫
用來念經
很遺憾大佛正重新塗上油漆 ~
佛學院裡有很多小喇嘛
多是很怕醜
很不容易才可以跟一個拍照
原來在寺廟都拍了很多相片
終於要出發了,
開頭我哋都係充滿力量,
仲係見咩影咩,
總之係好興奮!
但之後呢……就
行好耐都唔見到人影一個….
見得最多嘅都係佢 – 蜥蝪
偶然見到呢啲七彩繽紛嘅經幡,
令人好開心.
仲有好多人用石頭許願,
周圍都係石頭,好似去了外星球一樣
一路行一路自拍,睇就好輕鬆,其實行到顛 !
我哋都許番個願,希望三日兩夜快啲行完 !
其實拎住部咁重嘅相機行山真係好辛苦……..
我哋嘅嚮導都好好人多次提出話幫我哋攞行李,
但我哋為了証明我哋唔係」港女」,
就算行到喘晒氣,
我哋拒絕了佢好多次.
其實由開始行山後大約30分鐘,
我哋已經行到好喘氣,
呼吸困難,
因為我哋喺大約喺海拔3600米,
而且天氣好乾燥,
喉嚨好乾,
嘴唇好乾,
我好似每隔幾分鐘就搽潤唇羔,
鼻不斷有鼻水流出,
因為太乾了,
我唯有用水整濕張紙巾然後放入個鼻度,
咁先舒服啲.
依家先第一日,
幾時先行完?!
沿途都見到的瑪尼石
好幾個小時先見到嘅山上居民,
見到佢行得咁悠閒,
我哋就索晒氣..
喺小溪附近休息吓最舒服
第一日好似行六個鐘先到目的地 ~ home stay.
好唔容易先到達.
(下篇繼續講吓home stay 嘅有趣事 )
話是話，Ｄ喇嘛講乜語言架？
我諗佢哋都識講英文嘅,但主要係講拉達克語言~
期待你向homestay0既趣事!
多謝你支持,有時間多啲嚟睇 ^^
佩服您哋啊!
咁有唔係咩咁勁,我講得辛苦啲,但其實我好enjoy ^^
拎住部大機行三日，都幾辛苦喎！不過應該好難忘
真係幾重….每次都想下次帶細機 !
Yeah ~~阿Pink 你終於又 update 等你好耐啦 哈哈….. wow … 可以想像到呢 … 一定行到好辛苦 … 其實會唔會覺得熱呀 ? 如果唔熱都好D … 最驚要行好遠路途又曬囉 … 如果有涼風慢慢行都ok …. 依D地方人煙都特別少 .,.. 唔見有咩人 … 好正呀
好懶吖我 ,有時又忙工作,所以好遲先寫~
好彩唔炎熱,因為好乾燥,汗都無滴,所以放心好了,但紫外線真係超高呢 !
雖然人小小係幾好嘅,但我原本諗住影啲山上居民嘅相,點知道真係人影唔見多個 ^^
