今日依然忙碌,但收客數字欠佳，即刻有人打電話落嚟
問點解咁差???
做得好收客多又唔見你讚吓!!!!!全世界嘅高層都係咁
夜晚八點幾，個顛佬又係門口出現！又係著住紅色格仔裇牛仔衭，日日都係同一套衫！啱哪!我做到厠所都唔得閒去，又嚟煩我？我要發泄
個顛佬都未開口,我就大聲講」你日日都嚟講埋無聊嘢你煩唔煩????(((好惡嘅話氣)))
諗住佢會繼續講,我又可以閙佢，點知,佢走左????
都唔好玩嘅,但係突然有啲開心,好似將今日受嘅氣完全放左佢身上,Yeah!
覺得自己番工番到好變態
明天夜晚放工又要開會，討厭
F
昨晚開始又確實燃油附加費又加，又苦了我們，除了要告知客人這個消息外，連之前報八月份出發的客人也需要通知
明明已經交了所有款項，無端端要每人俾多一百幾十，你估佢哋有咩反應？
「セ咁早報名都關我事嘅咩，張機票你哋唔係一早出左嘅咩？(係人都知旅行社唔會一早出晒機票，但啲客偏偏都要問，但若佢哋報左名臨時要改日子改名，呢個時候佢哋又知道機票未出點解要收我哋手續費??
「我唔俾哪,退團呀,俾番晒啲錢我.」
「唔好意思,若你退團要按通知日起計每位收手續費.」
「我唔信我唔俾你哋會唔俾我上機,去旅遊業議會告你……………………………………」
我相信呢幾日至到ハ月我每日都會代表航空公司同所有即將乘搭飛機嘅客人會有一場激烈辯論比賽，而我係正方。我呢個正方其實好想講我一蚊都無得收，你哋嘈我做セ?????
「旅行社只係中間人,燃油附加費係代收，佢哋減我會退俾你所以加都會收番」 呢一句就好似咒語咁全日停唸
係咁多嘢做嘅情况下，呢排個死顛佬(之前提過問有無女朋友介紹果個)晚晚都嚟問無聊嘢，我真係好鬼慶，佢一見到有男同事喺度就走，無人就即刻入嚟,若果佢再入嚟做埋啲無聊嘢又坐喺到唔願走，我真係忍晤住攞釘書機飛過去唔好以為我唔出聲就晚晚嚟！
我呢排好燥,，無事唔好煩我。
團费合理, 但燃油附加費 —> 好贵
唉!!!好貴但無法啦
我份工都要面對客人, 有時好多唔關我地事嘅問題, 要同客解釋, 總會被佢地噴到 「一面屁」………………….我地份糧係包埋遇到呢d情況, 當作工作一部份吧!
佢地可能純粹發洩下, 又唔係你錯, 唔好擺o係心裡面啦, 一笑置之係最好, 冇謂因為呢d事激親自己!
呢輪你咁煩, 唔怪之得牙痛啦!
放鬆點吧!
thx for u, I will take care la^ ^
買多幾件 麵包超人 比自己平衡返心理啦 !!
昨日放假一直瞓到三點幾先起身
好攰呢越瞓越眼瞓。
跟住就去左書展，難得最怕人多擠迫嘅男友都陪我睇。
但其實我好攰，牙肉又有啲痛，是夠瞓引致吧！
幸好書展都不是太多人，見到有咁多新書我勁開心！
我都好想有機會出書呢
最好就梗係有關於旅遊嘅書
書展其中有一個booth可以用$60印一本自製嘅書，
印刷質素還可以，我決定做幾本俾自已留念
真開心
我都識幾個Friend整咗呢啲書，整本嚟做紀念都幾開心架！
係啦,但我仲未得閒整
我係一個超級麵包超人fans，屋企儲左好多佢嘅玩具,用品…………………咩都有
前日lunch time時經過間好多得意童裝衫買嘅地方一見到呢件巳經超鐘意，
買果時問我要咩size????我話用嚟儲嘅，我諗鋪頭果個人都覺得我幾搞笑
可否告訴我在那裡買到, 我之前在網上見過已好想買, 但已無貨..
所以, 我想要你告訴我地址呀….thx
大圍富嘉花園商場,二樓大家樂隔離童裝鋪
我想問你係邊度買架
Tai wai
..pinky…儲住先囉… 話唔定遲D用得著呢.. 一件咁得意既衫著係個咁得意既bb身上.. 一定好得意!! 唉啊.. 我好忙啊… 喘不過氣來…又好耐冇見你啦!! 我..又買左泰國… 買左D野俾你.. 你估下係咩??
多謝你呀emily,我知你又買左鱈魚絲俾我
呢排我都收夜多,唔介意夜約你沙田食飯 電聯
其實我間唔中都有買麵包超人bb衫嚟儲,若果我將來有bb一定俾晒全部麵包超人嘅嘢佢
每日都番工由朝做到晚無晒時間影相去街
乏味嘅生活，連寫blog都好似無主題???
日日都寫好攰，
人哋睇唔厭，自已都悶啦!
舊年去左盤龍峽, 開平都有興趣去………………………..
(Empty)
唔該晒呀, 不過我對大陸d溫泉有d怕怕…………………….
如果想睇下風景同影相, 仲有冇好介紹呢?
唔,開平碉樓同盤龍峽影相都好hit我都想去
上次你咪話介紹d抵玩嘅路線俾我, 有冇呀?
sorry,差點忘記左!
位於清遠嘅森波拉渡假村，又有温泉仲有仿恐龍世界,開業足一年，值得去.
仲有台山康僑温泉,好多客人反應好好
希望幫到你
累就停一停, 有靈感先至寫囉!
忙即係好生意, 咁咪多 commission 囉, 過左暑假或者會好d呢………………..
承你貴言,希望揾多啲
