要成為最好嘅朋友喺你心目中應該係點???

有相同興趣?

有近似嘅性格?

有類似嘅品味?

總覺得好朋友未必要經常見面,

但一見面總有說不完嘅話題,

而且永遠也明白我,支持我,

我們彼此都不介意直接說出大家的缺點,

因為我們都明白是為了大家好.

就算有了自己的家庭,

不同的工作,

只要是

一個眼神,

一個動作,

一個電話,

一個短訊,

已經立即明白對方,

能夠做到這樣肯定這個就是好朋友.

今晚同兩個相識於中學時期的好朋友食飯,

真的好耐無見,

都係怪我不斷離開香港所致.

我們談生活,談愛情,談家庭,談笑,

暢所欲言,

好愉快的一個晚上.

每次嘅聚會還有她們的小朋友,

要影一張合照,

要用盡辦法,

費盡心思才能成功.

小朋友,我好鍾意同你哋一齊玩~

**************************************************************************

blog友告知,今天我嘅blog成為了精選blog.

感謝你們喜歡我嘅相,

鐘意我隨意嘅旅遊態度,

記住多啲留言支持我. ><

**************************************************************************
但明早我又要離開香港幾日,

你哋放心啦,

我唔係又自己出走,

今次同屋企人一齊,

去廣東探親兼飲飲食食,

回來再分享…………………….

記得留言吖!!!!

經過漫長又難頂嘅三十二小時火車之旅,

我講過我以後…………..都唔會購買下舖~

如果唔係嗰幾個阿叔,

就算四十小時我都未驚過…………………..

好辛苦到達北京,

我仲要住一晚,

第二日先再坐火車返回香港.

難得有咁安靜嘅環境,

特別好瞓!!!!

好瞓到呢……………………..

第二日十二點幾就要到火車站……

再過多二十四小時,

我就可以到屋企,

太好哪…..

火車開始開車,

你哋相信我,

這京九列車,

實在太好,

乘客都安靜,

乘務員都細心有禮,

和之前的差天共地!!!

就喺我睇書時,

感到有啲啲涼嘅時候,

點解我件圍巾唔見…………

我周圍搵都無,

我已經估到留下在琴晚間 7 DAYS INN ,

吖,最後一日都要留低嘢,超論盡!!!!!!!!!!!

就係呢條陪我去過印度嘅圍巾,我好鐘意㗎!

即刻打電話去酒店問,

真係留低喺房………………

邊個會去北京幫我………………………..????

P.S. 你哋一見到我寫啲鬧交呀,咩艷遇呀,就特別開心,留言都特別多…………………….平時又唔見咁多人留言嘅????
點都好,更多謝你哋睇我個BLOG……………………THANKS !

上一篇講到我同幾個北方阿叔嘅一場罵戰………….

你哋都好關心我第二朝起身我究竟見到邊個呢?

有啲又話有人同我換房，

有啲話有公安嚟幫我．．．．．．．．．．．

不過首先喺講我見到邊個之前,

同你哋講講兩套電影先

 Before Sunrise《情留半天》

你哋有無睇過???

電影內容:

二十來歲的 Jesse
從美國到西班牙探望分隔異地的女友，卻發現她已移情別戀。因失戀而在歐洲流浪了整個暑假之後，乘火車到維也納，準備次日搭機返美。在火車上遇上回鄉探親後
回巴黎留學的 Celine。兩人話匣子一打開，竟然不可收拾。到了維也納，Jesse 邀請本來要往巴黎的 Celine
中途下車，陪他渡過飛返美國之前的一晚。劇情就此開展，二人遊客式地在維也納的市內穿插，對白看似拿眼前事物借題發揮，但其實交心地將自己所思所想，性格
經歷等等向一拍即合的對方表白出來。可能自己是一個面對喜歡的人就會不斷傾吐的人，所以很有共鳴。最後在二人共躺在公園的星空下，含蓄地帶過了就到了第二
天。因為 Jesse
剛剛受過傷害，不想再陷入另一段分隔歐美的情緣之中，所以說好大家不留聯絡。不過到火車要開出的時候就後悔了，在月台與移動的火車之間沒有時間交換聯絡，
只好匆匆約好六個月之後的同一天在這月台見面。電影就在這個約定下結束了。

  其實整套電影就是男女主角由在火車上邂逅開始，一直沒有間斷過的對話 ( 
片長80分鐘，這80分鐘正正就是男女主角在故事中相聚的實際時間)。沒有特別的場景，沒有特技，沒有太多人物，沒有煽情催淚的橋段，而男女主角甚至由始至終穿著同一套衣服。可是，他們的對話是那麼吸引，令人不由自主的一直追看下去。

  
 他們真正無所不談，無論是愛情、婚姻、宗教、死亡、性、戰爭、星相、文化、政治、環保……等等，他們都能談個痛快。他們很享受跟對方分享自己的感覺，亦深信對方會
得明瞭。他們互相吸引，亦藉著互相傾訴得到無比歡樂、感動和共鳴，同時不知不覺的釋放了自己。

BEFORE SUNSET <<日落巴黎>>

九年前，JESSE 和 CELINE 在火車上相遇，在維也納共度壹晚，在日出前定下半年之約後各自離去，但是卻從此失去與對方的聯系。九年後，JESSE帶著以這段邂逅寫成的書來到巴黎，就在他開新書記者會的同時，CELINE出現了。

　　日落之後就要撘趕著搭飛機的JESSE，利用留在巴黎最後的幾個小時，拉著CELINE在咖啡館中、巴黎街頭與塞納-馬恩省河上，仿佛停不下來似的說著話，想用最短的時間知道對方這九年來的境遇。

　　兩人這時好比站在淩虛禦空的鋼索上，似乎必須趁這個機會作出某種重大的人生決定，卻又好像只是兩個再次相逢彼此投緣的心靈舊識，永遠有聊不完的話題。日落時分即將來臨，離JESSE飛機起飛的時間越來越接近了……兩人是否會做出改變彼此今生的決定？！

如果你哋都睇過呢套戲,

就會明白.
***************************************************************************
BLOG友銀仔估中 ~

就喺我感到車廂突然靜晒嘅時候,

諗住起身去洗面刷牙，

竟然．．．．．．．．．．．．見到有個同我差唔多年紀嘅男子坐喺阿叔張床度～

同我講”你都幾瞓得吓喎？？”（為加強親切感，全部對話改用廣東話）

我真係有小小尷尬，

啱啱瞓醒，

個頭又亂，

係咁敷衍笑吓，

即刻衝去廁所．

整理吓自己個樣，

然後諗究竟佢由幾時開始睇住我瞓㗎！！！

搞掂．．．番入車廂，

佢仲係坐喺度，

原來．．．．我樓上嗰個無禮貌嘅阿叔半夜落車，

呢個天津男子喺今早上車嘅，

佢嚟自天津嘅．．．．．．．．

佢話我知道今早上車後嗰幾個阿叔超嘈，

所以佢瞓唔到，

我仲唔勁訴苦！！！！！！！！！！！

訴訴吓．．．．．．．．我超肚餓…..因為我琴晚無食過嘢，

咁啱個阿叔又番嚟～

仲懶好死話費時嘈住我瞓覺，所以去餐卡食嘢，係咩？？？？？

我整個杯麫．．．．．．提議出去食～

費時見到佢哋！！！

一路食一路傾，

心裡暗暗歡喜，

好彩　．．．有佢同我傾計，

如果唔係咁多時間點過．．．．．．．．．．

我哋由工作，興趣，屋企，嘢食，衣著，香港有咩玩傾起～

佢講好多關於釣魚，

我又講影相．．．．．．．．．．．

期間佢比罐紅牛我飲，

其實我唔係好喜歡飲紅牛㗎！！！

嗰晚我成十點先喺北京落車，

佢就七點半喺天津落車，

佢話天津有超快嘅火車到北京，

我可以同佢一齊落車，

帶我去坐和諧號，

唔駛坐呢袈去到咁夜，

我即刻諗到．．．．BEFORE SUNRISE 套戲，

男主角同女主角咪因為喺火車已經勁好傾，

然後一齊提早喺維也納落車去玩．．．？？

不過我實在好疲倦哪，

不如下次先啦．．．．．．．．（如果我嗰日有落車唔知道結果係點呢）

跟住佢又話想去香港玩，

好吖，你嚟香港我帶你去玩~

然後我又同佢講了一樣我留意好耐嘅事，

就係點解喺火車度專係大叫售賣麵包水果同飲料嗰個阿姐，

佢哋個個把聲都係一樣，

都係同一個拍子，勁高音，

無論邊班火車都一樣，

但係明明唔同人～

呢樣嘢我想笑好耐，

但一直無人陪我笑，

難得有人陪我笑，

仲一齊扮阿姐把聲，

幾好玩！！！

我哋就係咁咩都傾傾足成日．．．．．．傾到我又餓.，

我提議去餐卡食飯．

唔知道點解餐卡突然變成食自助餐，

我坐過咁多次火車，

都未試過食自助餐！！

場面幾咁混亂！

雖然係咁，

又逼又人多，

但有人陪食飯又有人請，

真係太太太開心哪！！！！！

食到差唔多七點，

我哋就番去自己嘅車廂，

19:30 佢就準備要落車，

我講過最驚呢啲別離嘅場面．．．．．．．．

19:30 就只有我一個人，

好悶呢！

唯有約好將來有機會去香港或天津再見～～

然後列車準時19:30到站，

佢帶住非常輕巧嘅行李落車，

拜拜哪有機會再見．

佢落車後我發覺我好口乾，

講嘢太多，

好想飲水，

而且條脷有小小打結，

講國語講得太多嘅關係．．．．．．．

就喺我飲緊水嘅時候，

電話有短訊响，

係天津男SEND 嚟，

短訊內容：　能夠認識你很高興，希望有機會再見．你的眼睛在說話時很漂亮．

問你死未．．．．！

講到呢度，你哋係咪都會覺得佢一定好靚仔啦！

其實佢係好北方樣嗰啲，又大舊，

單眼皮，平頭裝，但真係一個好人，

雖然我無好似戲裡面嘅主角咁，

但可以識多個朋友都幾好！！！

你哋快啲睇呢兩套戲，

話唔定下次坐火車時，

你都識到個勁啱傾嘅朋友～

離開草原嘅第二日,

我就要坐火車去北京.

是下午四點的火車,

把房間退了,

自己一個在海市走走………………

一場大雨,

我感覺好似冬天一樣,

而我身上只是穿短袖衫…………………

差不多夠鐘,

我要去火車站,

返回旅館取背包,

他們都說我嘅背包太重了!!!

但,我已經習慣了…

望住火車站,

望住天上面嘅雲,

我有一刻好想留低,

但…………..算啦,

我肯定再嚟多次!!!

又係一輪逼人,

又一輪你推我讓,

我終於到了月台………

咩住咁多嘢嘅我,竟然仲有興致影相,我有時都感覺自己好厲害!!

正諗緊三十幾小時嘅車程點過?

火車就到了…………………………

是次購買到軟臥臥舖…………………真係唔知道好彩定唔好彩???!!!

查票後上火車,

由於呢班火車係由滿州里開出,

我上車時,

已經有兩個男子上車……………

軟臥臥舖一個廂裡有四張床,

佢哋分別坐我旁邊嘅上下舖,

我瞓下舖,

另外一個好無禮貌嘅單身男瞓上舖.

點解我咁講,

上車後我要將行李放喺床底,

但我個背包太大,

要用啲力先放得入,

但瞓我樓上個男人不但無幫我,

仲係咁逼嘅情形下嘗試用腳」ＮＡＭ」過去………….

我真係火都嚟咪,

你無嘢,等一陣先行過去都得㗎,

駛唔駛係我咁忙碌嘅情形下係都要行過去先…….!!!!!!!!!!

真係興爆~

話完佢都繼續行,

頂!咩人嚟㗎!????

我已經有啲唔係幾好嘅預感.

三十幾小時,

同呢三個男人一個包廂,

唔方有好日子過啦!!!!!!!!!!!!!!!!!!!!!!!!!

整完行李,

我攤喺張床睇書,

諗住聽吓歌,

點知道部 i – pod 突然壞埋,

黑到爆~

唯有忍受住佢哋嘅噪音,

睇書睇到瞓….

大約六點多,

旁邊上下舖嘅阿叔開始開餐,

哇!!佢哋帶好多嘢食,啤酒……….

好似野餐咁,

本來呢啲都唔關我事,

但係我感覺到有人坐喺我床尾………….

頂我要瞓覺㗎………..

我即刻彈起身,

坐喺我床尾嘅男人係嗰兩個阿叔啲朋友,

入嚟一齊食飯,

佢哋越傾越興奮……

嘈到呢……..

我頂唔順哪,

同乘務員講我要換房,

但佢只係冷冷咁講 「無得換,全部滿」

我都知道同佢講落去,

都無用啦,

唔止唔幫我,

仲叫我自己搞掂……………..

我就係唔想同佢哋有任何正面衝突先同你講!

咁我就番入去,

都餓哪,

不如去整個杯麫食吓啦,,

諗住忍吓算啦~

就喺我整完杯麫,

準備番入去裡面食嘅時侯,

我張床竟然坐了三個男人…………………!!!!!!!!!!!!!!!!!!!!!

兩個係阿叔啲friend,

仲有我樓上個無禮貌男子…….

頂,拎住個熱辣辣嘅杯麫,

我㷫到想成個杯麫飛過去……….

罵戰就係呢度開始………………((為了增加親切感,我全部變成廣東話)

我好大聲講,你哋坐晒喺我張床,

咁我坐邊呀,

呢個時侯,

個兩個阿屋叔話比番你坐,

唔駛咁惡……

我樓上個無禮貌男子第一時間彈開,

因為佢今日一上車我已經同佢吵.

佢有小小驚我 ~

第二個彈開係阿叔嘅朋友,

我好嬲咁坐番低,

仲有個阿叔嘅朋友未走….

佢一直不斷咁話我霸道,

頂,聽講你唔係我哋間房嘅人,

仲好意思同我嘈,

你無嘢吖!!!!

此時外面已經有好多人圍觀,

但無人幫手喎,

嗰個死八公…………

叫我咁巴閉不如坐飛機,

或者包起成個包廂,

咁就唔驚有人坐…….

興到我呢…….想打佢,

原本同我一間房嘅兩個阿叔都唔敢出聲,

只係叫我哋唔好嘈,快啲食杯麫….

死八公仲不斷依依呵呵.

男人之家不知所謂!!!!!!!!!!

自己唔啱仲叫我坐火車大家照應一吓……..

照你個頭,

咁唔通你叫十個人過嚟坐我都要歡迎你哋,

我哋兩個越罵越大聲,

佢最叻就係嗰句 「我唔明白你哋南方人講咩」

我都聽唔明白你哋啲北方人講咩!!!!!!!!!!!!!

嗰兩個阿叔最叻就叫我唔好嘈,

快啲食杯麫…

食食食…食咩都無味啦……

我就玩鬥氣,唔食唔食.

你要坐吖麻????

坐死佢,…….

我嗰一刻感覺時間好難過!!!!!!!!!!!!!!!!!!!!!!!!!!!!!!!!!!

我諗起有次喺南印度時上火車無位坐…………………..坐走廊地下…………..仲要瘀爆係火車度喊,

今次我真係好嬲,

明明係你唔啱,

仲要同一個國語唔叻嘅人嘈………………….

而且我都有付款600幾蚊,

我就死都唔會喊…………..

我打死都唔離開張床,

我唔記得過了幾耐,

嗰個死八公終於肯走……………………………………

嗰兩個阿叔仲話佢我朋友同你講笑,唔好介意…

講笑……駛唔駛咁大聲同我講笑,

無聊,我係唔會睬你哋………………..癡綫~

㷫爆!!!!!!!!!!!我以後唔會買下舖,永遠都唔會………………………………………….

佢走,我就出去洗面,

洗洗吓,

有個阿伯走過嚟同我講,

佢哋唔啱啦,

你真係慘同佢哋一個車廂,

頂,頭先又唔過嚟幫手,

而家又同我講呢啲都無用 ……啦~~

我瞓去瞓覺(霸番張床)

到十點熄燈,

嗰三條阿叔都仲未收聲,

期間有人拍門三次叫佢哋收聲,

到第三次,

終於肯停,

我真係好想知道佢哋係咪十年無見,

咁多嘢講????

成晚唔係鼻鼾聲,

就係傾計聲,

到六點幾,

佢哋又起身，

又飲啤酒，

顛㗎！

好似唔駛瞓咁，

我雖然醒醒地，

但死都唔起身，

我唔想又有人霸我張床！！！！！！

我要夜晚九點多先可以落車，

今日點過呢？？？？？？

又同佢哋鬧過．．．．．．．．．．．

就喺我感覺佢哋出晒去，

間房突然靜晒時．．．．．．．．．．．．．．

我發現有個人坐喺阿叔張床度望住我，

我啱啱瞓醒，

有啲唔好意思之際，

佢同我講．．．．．．．．．．．．．．．．．．．．．．．．．．

嗰一刻我覺特得佢直係我嘅天使！！！

究竟呢個人係邊個？？？？

究竟嚟緊嘅九小時有咩發生？？？

你哋要繼續睇下一篇．．．．．．．．．．．．．．．．．．超級緊張．．．．．．．．．

我好少寫咁多文字，

睇到你哋有啲眼花，敬希原諒！

仲有記得留言．．．．．．．．．．估吓事情嘅發展．．．．．．．．．．．．

離開草原………

我就要跟小付(包車師傅)道別.

我想大家心裡也不捨不得…..(只是我想)

由於佢唔係住係海拉爾,

佢幫我找到旅館後,

再陪我食了火鍋,

就要番陳旗 – 佢住嘅地方

相處了七天,

唔知道點解仲係感覺大家已經好瞭解大家(旅行真係令人諗嘢唔清晰,有時喺香港相處七年都未必瞭解,最後咪又分開~)

或者嗰幾日我哋傾得太多,

工作,興趣,家人,生活,無聊嘢…………………..

咩都傾餐死,

甚至我話我太太太喜歡呼倫貝爾嘅草原,

叫佢介紹啲蒙古族嘅未婚朋友,

等我可以嫁去內蒙,

有自己嘅草原,

每日又可以同啲羊仔玩….

但佢話佢啲蒙古族嘅朋友已經結晒婚,

佢叫我揀佢……………..

唔得唔得,

佢係漢族,

屋企又無草原,
蟅
又無羊………………

不過我哋都係講笑..

佢話如果我真係每日都住喺蒙古包裡,

肯定悶死…….

咁又係嘅~

大陸又上唔到facebook, yahoo blog,

日日影都悶啦~

於是我將嫁過去呢個念頭忘記.

但係我仍然非常感謝佢每日都幫我影相~

食完飯,送我番旅館,

佢就要走哪………………..

我好怕呢啲別離嘅場面!

我一定會再去多次……真的

我要去睇那達慕………

如果你哋要去呼倫貝爾玩,

搵佢包車,人唔錯,做嘢盡責.

**************************************************************************

旅程雖然完結但仲有好多精彩嘅嘢要講㗎~