我就係坐呢架長途巴士由New Delhi往Dharmsala，〝坐〞足十六小時。中間停了兩次休息站，可以食吓嘢去吓厠所咁，呢張相亦都喺停休息站時影。由於車上面主要都係印度人有幾個西藏人，大部份都係男人，我哋去完厠所都企喺車旁等，好過俾人當動物咁睇。
喺呢度隨處都可見到很多有關藏族物品及藏人，令你置身於西藏一樣。
我住嘅Om Hotel 房間外面，是欣賞風景、晾衫和寫日記的好地方。
房屋都置身於半山區，印度嘅避暑勝地。
房價一晚大約港幣四十元，用公共厠所，但乾淨光猛，熱水足夠，餐廳早餐好味，推介入住！
Dharmsala 有好多好味嘅餐廳，呢間由韓國人開韓國餐廳，佈置得好有韓國感覺。仲有烤豬肉同泡菜食。
今日去左見工好順利，下星期就要即刻番工。
悠長假期即將結束，唯有收拾心情努力工作。
我會為下一個悠長假期而努力，畢竟太多地方想踏足。
新工作與之前的工作模式完全不同，新工作新同事新環境我希望能夠盡快適應。
我會繼續抽時閒寫更多印度資料，有興趣嘅朋友請多多支持！
你好呀~~我係yahoo搵大吉利是有限公司d野..所以搵到你個blog(因為你提及佢)……咁就誤打誤撞搵到黎~~咁岩我又係鍾意麵包超人wo(個background好吸引)!!!!!!睇到你去印度既網誌我都好想去!!你覺得」大吉利」好冇睇???我超鍾意呀!!!同你講咁多可能好唐突,但如果你唔介意我想問下你之前係咪做領隊架??我其實都好鍾意旅行..都想做領隊…我宜家準備考AL..唔知做領隊有咩要求!!!如果你覺得無聊可以唔洗理…..
thz…
咁啱你都鐘意麵包超人 我勁鐘意。
我之前係做領隊，我覺得你可以考多個牌識多樣嘢都好，做領隊最緊要獨立，有責任感………………………………….都幾辛苦！不過做咩工都辛苦！
|
|
大吉利是有限公司
故事簡介
《大吉利是有限公司》劇本另闢新猷，是一闕失散已久三兄弟重遇後，試圖修復親情的故事。大佬法蘭（奧雲韋遜 飾）、二佬彼德（艾哲倫保迪 飾）及細佬積克（積遜舒華薩曼 飾）自從於年前摯愛父親的葬禮後，再也沒聯絡過。一年後的今天法蘭率先破冰，並決定安排一趟橫跨印度的火車探險之旅，企圖從中探索自我，借機重拾久違了兄弟情誼。
沿途中法蘭一如以往展現他喜歡支配的「控制狂」個性，他不但負責整段旅程緊密安排，就連用膳時也貼心地替兩位弟弟點菜，二人大吃不消卻無可奈何。同樣地，大家對彼德的古怪行徑，以至積克到處留情的表現也看不過眼──此刻他仨卻擠於同一火車廂內，彼此差距有如火車內浮誇的顏色分岐般明顯，從而鬧出許多荒誕笑話來。
三兄弟還是一條心，貌似不合卻攜帶相同的LV新款行李，路上遇見不平又會拔刀相助，自由活動時間時更不自覺混在一起。三人決定拋棄全數十一件行李，一起躍上下班火車，前往不詳的下一站，展開生活另一章……
導演 : 韋斯安德遜
演員 : 艾哲倫保迪, 奧雲韋遜, 積遜舒華薩曼, 標梅利, 妮妲莉寶雯
片長 : 92 分鐘
級數 : IIB
語言 : 英語 (中文字幕)
或許我剛到過印度，電影裡盡是熟悉的場面，尤其是有我最喜歡的蒙兀兒時期建築，感到份外親切，令人會心微笑。三兄弟坐著三輪車在混亂的街道上遊走，到永遠都人多擠迫的火車站買票，火車上的臥舖床位，駱駝和沙漠的同時出現，曾經探訪過的沙漠村莊，小朋友親切的笑容，數不盡的牛在鬧市中行走………….所有在印度的片段突然感到好接近，彷彿置身於印度一樣。若然你亦想瞭解印度多一點點，又或者想尋找你在印度時的回憶，你應該買票去感受一下。
喺新德里實左太多太多人，所以無特別去邊度玩，多數留喺西藏村裡面，但我都有試搭印度嘅地下鐵。
大致上同香港差唔多，不過買飛就要排長龍，全部人手買飛，無用機，仲會喺每個出入口都要過X-RAY同埋check bag。可能本身坐地下鐵就好快，但排隊都等好耐。
本來影左好多相，俾工作人員發現，要Delete 晒所有相!!!勁煩，不過好彩仲有兩張
我前日買左一樣好得意嘅麵包超人新玩具，俾BB仔坐BB車時挨住坐。我諗緊一個地方掛起佢。仲有好多新玩具想買。
