我一向去旅行都係喜歡去到先算，

而且對住嘅地方無咩要求，

乾淨有廁所已經非常唔錯，

所以通常去到邊就住到邊，

未試過無地方住。

去緬甸最難唔係簽證唔係交通係搵住宿！

就在我2013年計劃緊去緬甸時就發現每個曾經去過緬甸的人都講出發前一定要預訂住宿！！！

因為緬甸住宿相比起其他鄰近東南亞地方貴好多！

而且相同嘅價錢肯定在泰國已經住得好好…………..

緬甸住宿貴嘅原因主要係因為供不應求，

遊客對於這個之前一直認知不太多的地方都感到好奇，

昂山素姬應該就是人們對緬甸的第一聯想，

緬甸近年逐漸開放，

所以遊人紛紛湧入，

本來就已經欠缺住宿的地方就顯得更加少，

所以一些比較有口碑的Guesthouse真的要早幾個月預訂，

十二月至二月是緬甸的旺季，

恰巧我的出發日期就在是橫跨聖誕節和新年，

簡直是旺季中的大旺季！

我立即不斷在網上找資料,

希望三個月前我也可以訂到價格合理的Guesthouse，

但真的有幾間比較便宜又不錯的答覆我已客滿，

當時是九月已經咁快滿，

我真的開始超心急！

但其實安排所有住宿是我最不想的，

這樣我就要定下行程，

沒有太多彈性。

但照當時的電郵答覆情況下我別無選擇地要預定所有住宿。

2013年我在緬甸住過的Guesthouse :

1. Mandalay – Fortune Hotel  US 35/NIGHT 有早餐 (只有咖啡和多士任食的那種不要以為是很豐富的自助餐)

      

個人住後感 : 雙人房間好細，打開門就是一張大床，面積問題背包都只是放在地上，但乾淨，插頭都只有一個。有冷氣但我12月去的時間其實好涼。

千萬不要見到HOTEL就以為是真的酒店，全部是樓梯，我住RM 302，也是這樣背著大細背包走上三層樓，但我喜歡這棟建築，地板和樓梯整體顏色也配搭很好，影復古相一流。

RECEPTION在樓下亦即是食早餐的地方，2013年有超慢的FREE WIFI在大堂供應，職員對於查問交通等情況非常樂意協助。

房間有洗手間，但我忘記拍照。整體感覺不錯，值得推介。

#酒店卡片#

2. Bagan ~ Aung Minglar Hotel US40/night (包早餐位置好方便就係長途巴士站落車附近)

感覺似RESORT形式

雙人房的格局，其實房間算大又夠乾淨，忘記影洗手間，但是沖涼熱水足夠。

房間外面，我好似住在102號房

所有房間到是單層形式

供應早餐的地方就在花園裡面，有多士煎蛋水果咖啡橙汁等，也是不要有任何期望，早餐房費已包。

 

整體住宿感覺不錯，有小量單車可以租借，酒店接近長途巴士站，門口亦容易找尋馬車，附近有其他餐廳或CAFE選擇，全部步行可以到達，但入黑後一定要帶電筒或戴頭燈，因為Bagan無咩街燈，地下有好多爛路，不過治安十分好，,完全放心。

3. Inle Lake ~ Aquarius Inn US50/NIGHT (這是我在緬甸住最貴的住宿，但房間很舒服很大佈置有心思，FREE WIFI好快，花園又好靚，房費亦有包早餐)

 

房間外面的休息地方

進入Aquarius Inn 門口

其實這是一間三人房如果三個人住我覺得US 50就幾好

房間後門有個小型後花園可以HEA吓

房間裡面很多細微地方我也很欣賞

我住的9號房

連燈也是用椰子製作

花園好有RESORT FEEL .

Aquarius Inn整體住宿感覺很好，去之前感覺好貴，但到埗後覺得好值得，地方乾淨，空間足夠，佈置有心思，老闆很熱心對於長途巴士購票等可以即打電話去訂票，當然佢有賺少許手續費但可以省下很多找尋時間去玩，值得入住。

4.Ocean Pearl Inn US 30/night (不推介這間，因我找了很多間類似價格的都沒有房才預訂，但房間好細仲要唔乾淨，洗手間超細，房間有霉味，這個價錢我接受不到)

唔好意思完全搵唔到任何一張房間的相，可想而知有多差！唯一好處是地點還算方便留下就是很多餐廳。

 

***由於是2013年的資料，請預訂前再睇清楚，另外我本人真的是好求其所以不能夠全部以我標準為準，總之個人建議去緬甸一定要預訂住宿，大旺季除了貴真的係會無房的，我見過有啲外國backpacker 搵好耐都無房。另外你如果是希望窮遊嗰種都有多人房選擇，但我睇過價格都係相比其他東南亞地方貴而少***

更多旅遊和相片分享:
FACEBOOK : https://www.facebook.com/indiapinkpink
INSTAGRAM: indiapink
個人網誌 : 我生得不夠高,但我背得起!
http://www.indiapink.com/blog/