離開草原嘅第二日,

我就要坐火車去北京.

是下午四點的火車,

把房間退了,

自己一個在海市走走………………

一場大雨,

我感覺好似冬天一樣,

而我身上只是穿短袖衫…………………

差不多夠鐘,

我要去火車站,

返回旅館取背包,

他們都說我嘅背包太重了!!!

但,我已經習慣了…

望住火車站,

望住天上面嘅雲,

我有一刻好想留低,

但…………..算啦,

我肯定再嚟多次!!!

又係一輪逼人,

又一輪你推我讓,

我終於到了月台………

咩住咁多嘢嘅我,竟然仲有興致影相,我有時都感覺自己好厲害!!

正諗緊三十幾小時嘅車程點過?

火車就到了…………………………

是次購買到軟臥臥舖…………………真係唔知道好彩定唔好彩???!!!

查票後上火車,

由於呢班火車係由滿州里開出,

我上車時,

已經有兩個男子上車……………

軟臥臥舖一個廂裡有四張床,

佢哋分別坐我旁邊嘅上下舖,

我瞓下舖,

另外一個好無禮貌嘅單身男瞓上舖.

點解我咁講,

上車後我要將行李放喺床底,

但我個背包太大,

要用啲力先放得入,

但瞓我樓上個男人不但無幫我,

仲係咁逼嘅情形下嘗試用腳」ＮＡＭ」過去………….

我真係火都嚟咪,

你無嘢,等一陣先行過去都得㗎,

駛唔駛係我咁忙碌嘅情形下係都要行過去先…….!!!!!!!!!!

真係興爆~

話完佢都繼續行,

頂!咩人嚟㗎!????

我已經有啲唔係幾好嘅預感.

三十幾小時,

同呢三個男人一個包廂,

唔方有好日子過啦!!!!!!!!!!!!!!!!!!!!!!!!!

整完行李,

我攤喺張床睇書,

諗住聽吓歌,

點知道部 i – pod 突然壞埋,

黑到爆~

唯有忍受住佢哋嘅噪音,

睇書睇到瞓….

大約六點多,

旁邊上下舖嘅阿叔開始開餐,

哇!!佢哋帶好多嘢食,啤酒……….

好似野餐咁,

本來呢啲都唔關我事,

但係我感覺到有人坐喺我床尾………….

頂我要瞓覺㗎………..

我即刻彈起身,

坐喺我床尾嘅男人係嗰兩個阿叔啲朋友,

入嚟一齊食飯,

佢哋越傾越興奮……

嘈到呢……..

我頂唔順哪,

同乘務員講我要換房,

但佢只係冷冷咁講 「無得換,全部滿」

我都知道同佢講落去,

都無用啦,

唔止唔幫我,

仲叫我自己搞掂……………..

我就係唔想同佢哋有任何正面衝突先同你講!

咁我就番入去,

都餓哪,

不如去整個杯麫食吓啦,,

諗住忍吓算啦~

就喺我整完杯麫,

準備番入去裡面食嘅時侯,

我張床竟然坐了三個男人…………………!!!!!!!!!!!!!!!!!!!!!

兩個係阿叔啲friend,

仲有我樓上個無禮貌男子…….

頂,拎住個熱辣辣嘅杯麫,

我㷫到想成個杯麫飛過去……….

罵戰就係呢度開始………………((為了增加親切感,我全部變成廣東話)

我好大聲講,你哋坐晒喺我張床,

咁我坐邊呀,

呢個時侯,

個兩個阿屋叔話比番你坐,

唔駛咁惡……

我樓上個無禮貌男子第一時間彈開,

因為佢今日一上車我已經同佢吵.

佢有小小驚我 ~

第二個彈開係阿叔嘅朋友,

我好嬲咁坐番低,

仲有個阿叔嘅朋友未走….

佢一直不斷咁話我霸道,

頂,聽講你唔係我哋間房嘅人,

仲好意思同我嘈,

你無嘢吖!!!!

此時外面已經有好多人圍觀,

但無人幫手喎,

嗰個死八公…………

叫我咁巴閉不如坐飛機,

或者包起成個包廂,

咁就唔驚有人坐…….

興到我呢…….想打佢,

原本同我一間房嘅兩個阿叔都唔敢出聲,

只係叫我哋唔好嘈,快啲食杯麫….

死八公仲不斷依依呵呵.

男人之家不知所謂!!!!!!!!!!

自己唔啱仲叫我坐火車大家照應一吓……..

照你個頭,

咁唔通你叫十個人過嚟坐我都要歡迎你哋,

我哋兩個越罵越大聲,

佢最叻就係嗰句 「我唔明白你哋南方人講咩」

我都聽唔明白你哋啲北方人講咩!!!!!!!!!!!!!

嗰兩個阿叔最叻就叫我唔好嘈,

快啲食杯麫…

食食食…食咩都無味啦……

我就玩鬥氣,唔食唔食.

你要坐吖麻????

坐死佢,…….

我嗰一刻感覺時間好難過!!!!!!!!!!!!!!!!!!!!!!!!!!!!!!!!!!

我諗起有次喺南印度時上火車無位坐…………………..坐走廊地下…………..仲要瘀爆係火車度喊,

今次我真係好嬲,

明明係你唔啱,

仲要同一個國語唔叻嘅人嘈………………….

而且我都有付款600幾蚊,

我就死都唔會喊…………..

我打死都唔離開張床,

我唔記得過了幾耐,

嗰個死八公終於肯走……………………………………

嗰兩個阿叔仲話佢我朋友同你講笑,唔好介意…

講笑……駛唔駛咁大聲同我講笑,

無聊,我係唔會睬你哋………………..癡綫~

㷫爆!!!!!!!!!!!我以後唔會買下舖,永遠都唔會………………………………………….

佢走,我就出去洗面,

洗洗吓,

有個阿伯走過嚟同我講,

佢哋唔啱啦,

你真係慘同佢哋一個車廂,

頂,頭先又唔過嚟幫手,

而家又同我講呢啲都無用 ……啦~~

我瞓去瞓覺(霸番張床)

到十點熄燈,

嗰三條阿叔都仲未收聲,

期間有人拍門三次叫佢哋收聲,

到第三次,

終於肯停,

我真係好想知道佢哋係咪十年無見,

咁多嘢講????

成晚唔係鼻鼾聲,

就係傾計聲,

到六點幾,

佢哋又起身，

又飲啤酒，

顛㗎！

好似唔駛瞓咁，

我雖然醒醒地，

但死都唔起身，

我唔想又有人霸我張床！！！！！！

我要夜晚九點多先可以落車，

今日點過呢？？？？？？

又同佢哋鬧過．．．．．．．．．．．

就喺我感覺佢哋出晒去，

間房突然靜晒時．．．．．．．．．．．．．．

我發現有個人坐喺阿叔張床度望住我，

我啱啱瞓醒，

有啲唔好意思之際，

佢同我講．．．．．．．．．．．．．．．．．．．．．．．．．．

嗰一刻我覺特得佢直係我嘅天使！！！

究竟呢個人係邊個？？？？

究竟嚟緊嘅九小時有咩發生？？？

你哋要繼續睇下一篇．．．．．．．．．．．．．．．．．．超級緊張．．．．．．．．．

我好少寫咁多文字，

睇到你哋有啲眼花，敬希原諒！

仲有記得留言．．．．．．．．．．估吓事情嘅發展．．．．．．．．．．．．

離開草原………

我就要跟小付(包車師傅)道別.

我想大家心裡也不捨不得…..(只是我想)

由於佢唔係住係海拉爾,

佢幫我找到旅館後,

再陪我食了火鍋,

就要番陳旗 – 佢住嘅地方

相處了七天,

唔知道點解仲係感覺大家已經好瞭解大家(旅行真係令人諗嘢唔清晰,有時喺香港相處七年都未必瞭解,最後咪又分開~)

或者嗰幾日我哋傾得太多,

工作,興趣,家人,生活,無聊嘢…………………..

咩都傾餐死,

甚至我話我太太太喜歡呼倫貝爾嘅草原,

叫佢介紹啲蒙古族嘅未婚朋友,

等我可以嫁去內蒙,

有自己嘅草原,

每日又可以同啲羊仔玩….

但佢話佢啲蒙古族嘅朋友已經結晒婚,

佢叫我揀佢……………..

唔得唔得,

佢係漢族,

屋企又無草原,
蟅
又無羊………………

不過我哋都係講笑..

佢話如果我真係每日都住喺蒙古包裡,

肯定悶死…….

咁又係嘅~

大陸又上唔到facebook, yahoo blog,

日日影都悶啦~

於是我將嫁過去呢個念頭忘記.

但係我仍然非常感謝佢每日都幫我影相~

食完飯,送我番旅館,

佢就要走哪………………..

我好怕呢啲別離嘅場面!

我一定會再去多次……真的

我要去睇那達慕………

如果你哋要去呼倫貝爾玩,

搵佢包車,人唔錯,做嘢盡責.

**************************************************************************

旅程雖然完結但仲有好多精彩嘅嘢要講㗎~

最後一日哪,

由恩和返回海拉爾,

離開孫婆婆屋企，

其實七日過得太快哪,

我仲好想留耐啲………………………

恩和有間好大型嘅雀巢廠

下午司機建議我去食手扒羊肉,

但我其實對食羊麻麻……

不過佢咁有誠意,

是旦啦,

嘗試吓啦…………..

佢講到啲羊勁好食,

但我同預期中一樣,

食一兩條都夠……

但我見到真正嘅北方人以及蒙古族嘅,

係一盆一盆咁食

食嘅時候要加未埋呢六種調味料先得㗎~

離開餐廳,

天氣開始差,

變得好陰天,

最後一日都要落雨??????????

喺內蒙周不時見到呢啲好可愛—蘑菇

一等到停雨,我就落車勁影相.

我一直都好恨可以抱住啲羊影相㗎!!!!

但啲羊一見到啲人太驚……….就走..

你睇佢哋見到我越走越遠……….

可以咁近接觸啲羊好開心 (我開始諗我係咪要去紐西蘭呢????)

佢哋係草蜢嗎??

好可愛~

又跑,見到人就跑……….

綿羊,你哋最近好嗎???

一停雨我就落車影,

一落雨又上番車,

雖然好掃興,

但……因為落雨我知道原來啲動物在落大雨時,

竟然全部會企定定…….

就係咁,佢哋企晒喺度唔郁,就好似小學生小息完咁,幾搞笑……

我……實在太想念呢個情景……………
你哋相信我嗎??我一定要再去多次.

本來我仲要去多次草原影相,

但雨越嚟越大,

無可能落車,

於是諗住開車走,

番去海拉爾市,

旅程本來要結束.

但付師傅見我太失望,

佢超級好人咁開車,我哋番轉頭,

再試多次,睇吓天氣有無好轉,

佢話只係我佢先會返轉頭.

太感動哪….

結果……..

突然好天氣….

太太太神奇………..哪

我又可以自拍

我終於可以瞓喺草地上影相………………..

我唔捨得旅程完結，亦都唔想就咁寫完．．．．．．．．．．

喺孫婆婆屋企影到差唔多,

司機問我要唔要一齊去行吓,

佢要去洗車…

跟佢去睇吓都好~

所謂嘅洗車…..原來喺河

我就緊係影相啦~

咁啱有小朋友同鴨仔玩,好溫馨嘅場面.

佢負責趕牛㗎!

佢負責趕鴨仔

牛羣浩浩蕩蕩向住我呢面衝過嚟.

影牛都有排你影~

周圍都有呢啲風力發電．

我咪企係木橋上面影相.

陽光太好哪~ 我又係咁自拍,

自拍期間,遇到好多中國攝影高手,

佢哋都對我嘅LOMO – DIANA f + 好有興趣.

再慢慢行入村,

司機又幫我影相-G10

我感覺佢越影越好　．．．．．

行行吓，有個俄羅斯族婆婆同我傾計．

睇嚟在旅途中我都好受婆婆嘅歡迎！！！

村尾好靚嘅風景．．．．．．．．．．．我好鐘意恩和～呀！

可能天氣太好,

藍天白雲再次出現,

可能見到好多油菜花,

去恩和呢日我心情大好………………………

喺公路都要影相,

留意到我穿人字拖嗎??

我嘅靚靚彩色鞋因前兩日落雨濕透,

所以,唯有穿人字拖…….

其實我好鐘意㗎,

喺印度我都成日穿人字拖,

但係喺內蒙就唔太方便,

要行好多泥路.

車開.到了孫金花屋企門口,

佢即刻上嚟歡迎我,

用一把好親切嘅聲音,

問我」累不累??」

「這麼漂亮的姑娘是那裡來?」

孫婆婆真識講說話,

佢只是隨便講一講,

我開心了好幾日呢!!(真係易相信人」」0″」)

孫婆婆帶我進了房間,

房間又係好乾淨,

只可惜無窗.

我已經急不及待去影相.

佢屋企每個位影相都咁靚.

韆鞦 – 勁好玩,我都想屋企有一個

全部都係小木屋,最進重要係彩色.

我身後嘅小鹿係咪真㗎??

我拎住腳架係佢哋屋企行嚟行去,好彩佢哋無理我.

我影緊呢間係佢哋嘅客廳.

主角出場,最右手面係孫金花,孫金花媽媽,孫金花妹妹,孫金花女兒,
很好的一家人.

聽佢哋講這幾年加建了幾間小木屋,相信賺了錢吧!

我發覺這幾晚住嘅民宿都係呢種鐵門.

婆婆好貪靚,佢係都要換件衫先肯同我影相,
不過佢最勁就係狠狠咁抽煙嗰樣.

藍色和白色為主.

一堆淩亂嘅物件放喺呢度又感覺好靚.

呢度有兩頭狗,我真係好驚,因為佢超大.

呢張相就知道佢有幾大,你睇佢個女都有一般唐狗咁大,
佢大幾倍,好在佢無勁追住我.

廚房都好好睇,用嘅同我哋好唔同,你睇個熨斗,超舊~

客廳~

..我們是一家人.

晚餐都唔錯,我最鐘意佢哋嘅早餐,自製麵包,
自製果槳,仲有奶油.

呢張椅，喺邊度搵番嚟？？

呢個洗手或洗面盆夠晒懷舊吧!

如果你哋有機會去呢度住,

記得嘗試一吓佢哋嘅三溫暖…………(沖涼)

咁靚住一晚都係30一個人,

早餐10一個人,

晚餐30一個人.

村嘅附近都係影相嘅好地方,待續……………………………………..