我就要坐火車去北京.
是下午四點的火車,
把房間退了,
自己一個在海市走走………………
一場大雨,
我感覺好似冬天一樣,
而我身上只是穿短袖衫…………………
差不多夠鐘,
我要去火車站,
返回旅館取背包,
他們都說我嘅背包太重了!!!
但,我已經習慣了…
望住火車站,
望住天上面嘅雲,
我有一刻好想留低,
但…………..算啦,
我肯定再嚟多次!!!
又係一輪逼人,
又一輪你推我讓,
我終於到了月台………
咩住咁多嘢嘅我,竟然仲有興致影相,我有時都感覺自己好厲害!!
正諗緊三十幾小時嘅車程點過?
火車就到了…………………………
是次購買到軟臥臥舖…………………真係唔知道好彩定唔好彩???!!!
查票後上火車,
由於呢班火車係由滿州里開出,
我上車時,
已經有兩個男子上車……………
軟臥臥舖一個廂裡有四張床,
佢哋分別坐我旁邊嘅上下舖,
我瞓下舖,
另外一個好無禮貌嘅單身男瞓上舖.
點解我咁講,
上車後我要將行李放喺床底,
但我個背包太大,
要用啲力先放得入,
但瞓我樓上個男人不但無幫我,
仲係咁逼嘅情形下嘗試用腳」NAM」過去………….
我真係火都嚟咪,
你無嘢,等一陣先行過去都得㗎,
駛唔駛係我咁忙碌嘅情形下係都要行過去先…….!!!!!!!!!!
真係興爆~
話完佢都繼續行,
頂!咩人嚟㗎!????
我已經有啲唔係幾好嘅預感.
三十幾小時,
同呢三個男人一個包廂,
唔方有好日子過啦!!!!!!!!!!!!!!!!!!!!!!!!!
整完行李,
我攤喺張床睇書,
諗住聽吓歌,
點知道部 i – pod 突然壞埋,
黑到爆~
唯有忍受住佢哋嘅噪音,
睇書睇到瞓….
大約六點多,
旁邊上下舖嘅阿叔開始開餐,
哇!!佢哋帶好多嘢食,啤酒……….
好似野餐咁,
本來呢啲都唔關我事,
但係我感覺到有人坐喺我床尾………….
頂我要瞓覺㗎………..
我即刻彈起身,
坐喺我床尾嘅男人係嗰兩個阿叔啲朋友,
入嚟一齊食飯,
佢哋越傾越興奮……
嘈到呢……..
我頂唔順哪,
同乘務員講我要換房,
但佢只係冷冷咁講 「無得換,全部滿」
我都知道同佢講落去,
都無用啦,
唔止唔幫我,
仲叫我自己搞掂……………..
我就係唔想同佢哋有任何正面衝突先同你講!
咁我就番入去,
都餓哪,
不如去整個杯麫食吓啦,,
諗住忍吓算啦~
就喺我整完杯麫,
準備番入去裡面食嘅時侯,
我張床竟然坐了三個男人…………………!!!!!!!!!!!!!!!!!!!!!
兩個係阿叔啲friend,
仲有我樓上個無禮貌男子…….
頂,拎住個熱辣辣嘅杯麫,
我㷫到想成個杯麫飛過去……….
罵戰就係呢度開始………………((為了增加親切感,我全部變成廣東話)
我好大聲講,你哋坐晒喺我張床,
咁我坐邊呀,
呢個時侯,
個兩個阿屋叔話比番你坐,
唔駛咁惡……
我樓上個無禮貌男子第一時間彈開,
因為佢今日一上車我已經同佢吵.
佢有小小驚我 ~
第二個彈開係阿叔嘅朋友,
我好嬲咁坐番低,
仲有個阿叔嘅朋友未走….
佢一直不斷咁話我霸道,
頂,聽講你唔係我哋間房嘅人,
仲好意思同我嘈,
你無嘢吖!!!!
此時外面已經有好多人圍觀,
但無人幫手喎,
嗰個死八公…………
叫我咁巴閉不如坐飛機,
或者包起成個包廂,
咁就唔驚有人坐…….
興到我呢…….想打佢,
原本同我一間房嘅兩個阿叔都唔敢出聲,
只係叫我哋唔好嘈,快啲食杯麫….
死八公仲不斷依依呵呵.
男人之家不知所謂!!!!!!!!!!
自己唔啱仲叫我坐火車大家照應一吓……..
照你個頭,
咁唔通你叫十個人過嚟坐我都要歡迎你哋,
我哋兩個越罵越大聲,
佢最叻就係嗰句 「我唔明白你哋南方人講咩」
我都聽唔明白你哋啲北方人講咩!!!!!!!!!!!!!
嗰兩個阿叔最叻就叫我唔好嘈,
快啲食杯麫…
食食食…食咩都無味啦……
我就玩鬥氣,唔食唔食.
你要坐吖麻????
坐死佢,…….
我嗰一刻感覺時間好難過!!!!!!!!!!!!!!!!!!!!!!!!!!!!!!!!!!
我諗起有次喺南印度時上火車無位坐…………………..坐走廊地下…………..仲要瘀爆係火車度喊,
今次我真係好嬲,
明明係你唔啱,
仲要同一個國語唔叻嘅人嘈………………….
而且我都有付款600幾蚊,
我就死都唔會喊…………..
我打死都唔離開張床,
我唔記得過了幾耐,
嗰個死八公終於肯走……………………………………
嗰兩個阿叔仲話佢我朋友同你講笑,唔好介意…
講笑……駛唔駛咁大聲同我講笑,
無聊,我係唔會睬你哋………………..癡綫~
㷫爆!!!!!!!!!!!我以後唔會買下舖,永遠都唔會………………………………………….
佢走,我就出去洗面,
洗洗吓,
有個阿伯走過嚟同我講,
佢哋唔啱啦,
你真係慘同佢哋一個車廂,
頂,頭先又唔過嚟幫手,
而家又同我講呢啲都無用 ……啦~~
我瞓去瞓覺(霸番張床)
到十點熄燈,
嗰三條阿叔都仲未收聲,
期間有人拍門三次叫佢哋收聲,
到第三次,
終於肯停,
我真係好想知道佢哋係咪十年無見,
咁多嘢講????
成晚唔係鼻鼾聲,
就係傾計聲,
到六點幾,
佢哋又起身,
又飲啤酒,
顛㗎!
好似唔駛瞓咁,
我雖然醒醒地,
但死都唔起身,
我唔想又有人霸我張床!!!!!!
我要夜晚九點多先可以落車,
今日點過呢??????
又同佢哋鬧過...........
就喺我感覺佢哋出晒去,
間房突然靜晒時..............
我發現有個人坐喺阿叔張床度望住我,
我啱啱瞓醒,
有啲唔好意思之際,
佢同我講..........................
嗰一刻我覺特得佢直係我嘅天使!!!
究竟呢個人係邊個????
究竟嚟緊嘅九小時有咩發生???
你哋要繼續睇下一篇..................超級緊張.........
我好少寫咁多文字,
睇到你哋有啲眼花,敬希原諒!
仲有記得留言..........估吓事情嘅發展............
估唔到...只係一路睇,一路想講粗口...
嗰班人…………唔好提
Pink: 班八公都仲好意思甘大聲同您嘈下去. 真係唔知醜. 真係影衰我地d男人呀… ^%$##@$%^&~~
都咁耐哪,唔係太記得啦,但我都好多謝佢哋,等我練習國語
你張車票寫住」新空調軟座普快臥」, 我讀出來變左」新空調軟座好快餓」
見到呢d人真係激c架, 無品仲要行酒精, 你都好勇喎, 不過比我都會大大聲鬧, 等其他人聽到發生咩事~真係忍唔到
咁嘅情形,唯有頂住…………………….同佢鬧過
睇黎普通話要好流利先得
係咁嘅情形下…………點都要講到流利
我覺得你一個人出外應該要有啲危機意識~><”
一陣嗰嗰男人癡線..點算..差啲唔記得估..
我覺得你發夢..夢見男朋友..xddddd
我會小心㗎哪~
返大陸坐火車,經常遇到呢啲事啦!不過講番轉頭,其實我喺香港都遇到好多好鬼嘈既乘客!
咁又係~但三十幾小時好嘈好難頂~
乜野係nam呀?D 北方人講野真係好大聲我個陣返學都有北方人老師係度講英文教書佢地就係咁用國語講野係好無禮貌!
我唔識打呢個字,下次我話你知道~
啍!這班男人咪以為欺負香港女人好易呀!
你要頂住呀!
超人0黎緊……….. ,他會沿途保謢你!
麵包超人一直都係我心目中保護我
我在內地坐火車都遇過唔開心既事 , 內地人就係欠缺公民教育…
係咪有駐車公安幫你呀???
駐車公安.我無見到喎~
你真係勇。
睇到我好緊張呀!
究竟何方神聖呢?
乘務員~換房比你?
你上格床亞叔~換上格床比你?
文狄,我上格床嗰亞叔邊有咁好死…………………….. 乘務員啲服務咁差又點會換房比…………我!!!
好精彩!好精彩!頭暈眼花都要睇落去!! 講笑,你寫得其實不長,只是分多了行。不分又太密麻麻,真會頭暈眼花。那個天使說有人可以同你換包廂?
好多謝你冒住頭暈眼花都繼續睇落去~ 但係其實唔係有人同我換床~
他是付師傅,師傅到!
佢好忙碌,好多booking ,無我咁得閒
付師到—-付師傅
真你好精彩!
我估係個新鄰居 ,因為果三條粉腸係中途站落左車!
咦~ 你好醒目喎!!!
終於遇到好心人?anyway,你出門要小心呀,我看完你呢篇blog,我都覺得你好大膽了,要4人一起,俾我都唔知點算…
我去旅行,成日都係得個勇字~ 咩都係去到先算,或者呢啲係我覺得旅行好玩嘅原因
您一個女仔去內蒙古玩真係好勇敢,仲要同三個不相識的男人同一個臥舖,對方仲要係」北佬」,不過其實係咪好少女性會坐呢d內陸火車呢? 仲要係單身一個?我諗呢個經驗對您來說真係好難忘!
我好想快d知道您接下來會遇到什麼事,快d開估啦!
其實坐火車唔危險㗎!!!! 只係我唔好彩遇到講嘢好大聲嘅水壞人….. 我好快會開估~
喂…… 有冇搞錯呀??????
下篇幾時出呀???????
不過我睇晒…
覺得你好孤立無助
一個女仔同三個唔識既男人一間房
仲要比人蝦冇人幫
不過你好勇敢呀….
唔好驚佢地呀….
好緊張~~~~ 快dddddddddddddddddd
小豬,唔駛緊張,好快話你知道, 不過比人蝦冇人幫真係小小慘, 但係我點都唔會屈服㗎