我想話你哋知道其實唔係好開心……………
而家每日都有好多廣告留言…………………超級討厭!
又色情又賣衫,想點呀?
我要用好多時間先delete得晒啲廣告.
我又唔係男人,
留色情廣告俾我做乜????
唔明白yahoo點解唔可以禁止啲核突廣告!!!
只要有心嘅blog友睇就足夠,係唔係精選完全唔重要囉
我想話你哋知道其實唔係好開心……………
而家每日都有好多廣告留言…………………超級討厭!
又色情又賣衫,想點呀?
我要用好多時間先delete得晒啲廣告.
我又唔係男人,
留色情廣告俾我做乜????
唔明白yahoo點解唔可以禁止啲核突廣告!!!
只要有心嘅blog友睇就足夠,係唔係精選完全唔重要囉
講名勝,無咩睇…
講玩,又無咩遊樂場,水上樂園….
但我都可以玩到四日三夜,
全因為是次旅程唔再係我一個人孤身上路,
而係同屋企人(八個)一齊探親兼遊玩…….
每日都係笑,笑,仲有笑………..
食,不斷食,仲有不斷食……………
仲有親友熱情招待,
佛山我一定再嚟~
睇吓我哋第一晚嘅特別節目 – 花火大會先
由於我無帶腳架
所以相影得麻麻
但我哋都玩得超級開心 ^^
大家都好想整唔同嘅圖案..
越玩越炎熱,但玩到都唔想走
無火龍?? 跳絲舞?
跳火圈??
連我媽媽都玩到興起!
開始掌握到技巧.
小表妹是晚開心到爆~
**************************************************************************
網誌一向作風……遊記唔跟次序……………敬希原諒!!
今晚才到屋企,太疲倦了…………………………………..
有相同興趣?
有近似嘅性格?
有類似嘅品味?
總覺得好朋友未必要經常見面,
但一見面總有說不完嘅話題,
而且永遠也明白我,支持我,
我們彼此都不介意直接說出大家的缺點,
因為我們都明白是為了大家好.
就算有了自己的家庭,
不同的工作,
只要是
一個眼神,
一個動作,
一個電話,
一個短訊,
已經立即明白對方,
能夠做到這樣肯定這個就是好朋友.
今晚同兩個相識於中學時期的好朋友食飯,
真的好耐無見,
都係怪我不斷離開香港所致.
我們談生活,談愛情,談家庭,談笑,
暢所欲言,
好愉快的一個晚上.
每次嘅聚會還有她們的小朋友,
要影一張合照,
要用盡辦法,
費盡心思才能成功.
小朋友,我好鍾意同你哋一齊玩~
**************************************************************************
blog友告知,今天我嘅blog成為了精選blog.
感謝你們喜歡我嘅相,
鐘意我隨意嘅旅遊態度,
記住多啲留言支持我. ><
**************************************************************************
但明早我又要離開香港幾日,
你哋放心啦,
我唔係又自己出走,
今次同屋企人一齊,
去廣東探親兼飲飲食食,
回來再分享…………………….
記得留言吖!!!!
我講過我以後…………..都唔會購買下舖~
如果唔係嗰幾個阿叔,
就算四十小時我都未驚過…………………..
好辛苦到達北京,
我仲要住一晚,
第二日先再坐火車返回香港.
難得有咁安靜嘅環境,
特別好瞓!!!!
好瞓到呢……………………..
第二日十二點幾就要到火車站……
再過多二十四小時,
我就可以到屋企,
太好哪…..
火車開始開車,
你哋相信我,
這京九列車,
實在太好,
乘客都安靜,
乘務員都細心有禮,
和之前的差天共地!!!
就喺我睇書時,
感到有啲啲涼嘅時候,
點解我件圍巾唔見…………
我周圍搵都無,
我已經估到留下在琴晚間 7 DAYS INN ,
吖,最後一日都要留低嘢,超論盡!!!!!!!!!!!
就係呢條陪我去過印度嘅圍巾,我好鐘意㗎!
即刻打電話去酒店問,
真係留低喺房………………
邊個會去北京幫我………………………..????
P.S. 你哋一見到我寫啲鬧交呀,咩艷遇呀,就特別開心,留言都特別多…………………….平時又唔見咁多人留言嘅????
點都好,更多謝你哋睇我個BLOG……………………THANKS !
Pink: 嘿嘿~~睇番您呢篇網誌好得意. 妳那時好似未知您已中獎. 成為精選blog.
真係中獎……就好啦
妳係咪專登留低D野 , 等你有藉口可以返去呀………..哈哈
如果係都留喺印度………….
🙂 nice kinda lomo efffect~
(Empty)
唔會麻煩的. 不過, 隨你鐘意啦~~
真心希望你能找回陪你遊走的大披肩!!
真心感謝你~
Pink,
我做左一件蠢事! 以為自己的第一個留言 未能成功 「剔」選私人回覆, 懶醒咁拿拿林補多個」 盡快 刪除留言」, 結果…… 真係搞笑兼瘀!!
依家, 酒店方面有無幫你寄回披肩? 如需我幫手的話, 打電話講俾我知啦~~
但我唔想麻煩你……
上 Travel life到落個 post,可能有人可以幫你羅返呢!
但我好怕麻煩其他人, 多謝你呢~
Pink, 可否麻煩你盡快delete我之前的留言. Thanks!!
(Empty)
Hi, 我住九龍長沙灣. 如果你需要找人幫手寄回HK, 我可以叫我妹幫你, 她常住BJ. call me 9623 7058 (Gina) or MSN / mail: rainie_yau@hotmail.com
感謝你~
Lonely Planet 的老板 Tony Wheeler 說《讓自己開心同 時也 讓別人開心 是旅行者的義務》。所以,寫多啲激起千層浪的 story ,自然留言滾滾來。
如我般別 說 千層浪,連浪花都無,想留言也無從留起,對吧!努力吧!支持你!以後有睇 blog ,就留言,無嘢寫也一聲 hello ,好嗎?一笑!
多謝你~ 其實你嚟睇我已經好開心哪
無錯啊
(Empty)
你除咗去呢到仲有點?
你意思話我仲有去邊
恭喜你入了精選BLOG!!!!!!!
更多謝你話我知道~ 我一定會寫更多關於旅遊嘅
鬼叫你寫得咁精彩咩!!!
咁我又留言又估中晒係咪有獎先???
下次去旅行獎你一張明信片
下一次去邊?有無啲低消費嘅旅程我地可以一齊去~
諗諗先
你哋一見到我寫啲鬧交呀,咩艷遇呀,就特別開心,留言都特別多 =>
哈哈. 又係喎, 都唔知點解, 其實我都有睇你遊記, 不過呢 d 特別令人想留言掛
首先多謝你有睇我嘅blog , 但我以及有啲BLOG友發覺好小人留言
我想問…..
由海拉爾去哈爾濱的火車是不是一定要在海拉爾火車站才可以購票?多少錢?班次疏落嗎?是不是日日都有火車去哈爾濱?
因我想由廣州乘直機去海拉爾….是不是在海拉爾一到步後就要先去火車站購買火車票…
謝謝!
由海拉爾去哈爾濱的火車是不是一定要在海拉爾火車站才可以購票? 唔一定,北京應該有得購買,但深圳肯定無. 多少錢?班次疏落嗎? 參考呢個 中華鐵路 是不是日日都有火車去哈爾濱? 係 因我想由廣州乘直機去海拉爾 廣州好似無直機去海拉爾 !!! 是不是在海拉爾一到步後就要先去火車站購買火車票… 火車票可以預售十日.
太耐冇嚟… 追BLOGS追到傻咗,HAHA
(Empty)
每個旅程總要有一點持別經歴才叫人難忘!
努力喔!敢的女孩!
謝謝你~ 你講得好啱,每個旅程總要有一點持別經歴才叫人難忘!
你哋都好關心我第二朝起身我究竟見到邊個呢?
有啲又話有人同我換房,
有啲話有公安嚟幫我...........
不過首先喺講我見到邊個之前,
同你哋講講兩套電影先
Before Sunrise《情留半天》
你哋有無睇過???
電影內容:
二十來歲的 Jesse
從美國到西班牙探望分隔異地的女友,卻發現她已移情別戀。因失戀而在歐洲流浪了整個暑假之後,乘火車到維也納,準備次日搭機返美。在火車上遇上回鄉探親後
回巴黎留學的 Celine。兩人話匣子一打開,竟然不可收拾。到了維也納,Jesse 邀請本來要往巴黎的 Celine
中途下車,陪他渡過飛返美國之前的一晚。劇情就此開展,二人遊客式地在維也納的市內穿插,對白看似拿眼前事物借題發揮,但其實交心地將自己所思所想,性格
經歷等等向一拍即合的對方表白出來。可能自己是一個面對喜歡的人就會不斷傾吐的人,所以很有共鳴。最後在二人共躺在公園的星空下,含蓄地帶過了就到了第二
天。因為 Jesse
剛剛受過傷害,不想再陷入另一段分隔歐美的情緣之中,所以說好大家不留聯絡。不過到火車要開出的時候就後悔了,在月台與移動的火車之間沒有時間交換聯絡,
只好匆匆約好六個月之後的同一天在這月台見面。電影就在這個約定下結束了。
其實整套電影就是男女主角由在火車上邂逅開始,一直沒有間斷過的對話 (
片長80分鐘,這80分鐘正正就是男女主角在故事中相聚的實際時間)。沒有特別的場景,沒有特技,沒有太多人物,沒有煽情催淚的橋段,而男女主角甚至由始至終穿著同一套衣服。可是,他們的對話是那麼吸引,令人不由自主的一直追看下去。
他們真正無所不談,無論是愛情、婚姻、宗教、死亡、性、戰爭、星相、文化、政治、環保……等等,他們都能談個痛快。他們很享受跟對方分享自己的感覺,亦深信對方會
得明瞭。他們互相吸引,亦藉著互相傾訴得到無比歡樂、感動和共鳴,同時不知不覺的釋放了自己。
BEFORE SUNSET <<日落巴黎>>
九年前,JESSE 和 CELINE 在火車上相遇,在維也納共度壹晚,在日出前定下半年之約後各自離去,但是卻從此失去與對方的聯系。九年後,JESSE帶著以這段邂逅寫成的書來到巴黎,就在他開新書記者會的同時,CELINE出現了。
日落之後就要撘趕著搭飛機的JESSE,利用留在巴黎最後的幾個小時,拉著CELINE在咖啡館中、巴黎街頭與塞納-馬恩省河上,仿佛停不下來似的說著話,想用最短的時間知道對方這九年來的境遇。
兩人這時好比站在淩虛禦空的鋼索上,似乎必須趁這個機會作出某種重大的人生決定,卻又好像只是兩個再次相逢彼此投緣的心靈舊識,永遠有聊不完的話題。日落時分即將來臨,離JESSE飛機起飛的時間越來越接近了……兩人是否會做出改變彼此今生的決定?!
如果你哋都睇過呢套戲,
就會明白.
***************************************************************************
BLOG友銀仔估中 ~
就喺我感到車廂突然靜晒嘅時候,
諗住起身去洗面刷牙,
竟然............見到有個同我差唔多年紀嘅男子坐喺阿叔張床度~
同我講”你都幾瞓得吓喎??”(為加強親切感,全部對話改用廣東話)
我真係有小小尷尬,
啱啱瞓醒,
個頭又亂,
係咁敷衍笑吓,
即刻衝去廁所.
整理吓自己個樣,
然後諗究竟佢由幾時開始睇住我瞓㗎!!!
搞掂...番入車廂,
佢仲係坐喺度,
原來....我樓上嗰個無禮貌嘅阿叔半夜落車,
呢個天津男子喺今早上車嘅,
佢嚟自天津嘅........
佢話我知道今早上車後嗰幾個阿叔超嘈,
所以佢瞓唔到,
我仲唔勁訴苦!!!!!!!!!!!
訴訴吓........我超肚餓…..因為我琴晚無食過嘢,
咁啱個阿叔又番嚟~
仲懶好死話費時嘈住我瞓覺,所以去餐卡食嘢,係咩?????
我整個杯麫......提議出去食~
費時見到佢哋!!!
一路食一路傾,
心裡暗暗歡喜,
好彩 ...有佢同我傾計,
如果唔係咁多時間點過..........
我哋由工作,興趣,屋企,嘢食,衣著,香港有咩玩傾起~
佢講好多關於釣魚,
我又講影相...........
期間佢比罐紅牛我飲,
其實我唔係好喜歡飲紅牛㗎!!!
嗰晚我成十點先喺北京落車,
佢就七點半喺天津落車,
佢話天津有超快嘅火車到北京,
我可以同佢一齊落車,
帶我去坐和諧號,
唔駛坐呢袈去到咁夜,
我即刻諗到....BEFORE SUNRISE 套戲,
男主角同女主角咪因為喺火車已經勁好傾,
然後一齊提早喺維也納落車去玩...??
不過我實在好疲倦哪,
不如下次先啦........(如果我嗰日有落車唔知道結果係點呢)
跟住佢又話想去香港玩,
好吖,你嚟香港我帶你去玩~
然後我又同佢講了一樣我留意好耐嘅事,
就係點解喺火車度專係大叫售賣麵包水果同飲料嗰個阿姐,
佢哋個個把聲都係一樣,
都係同一個拍子,勁高音,
無論邊班火車都一樣,
但係明明唔同人~
呢樣嘢我想笑好耐,
但一直無人陪我笑,
難得有人陪我笑,
仲一齊扮阿姐把聲,
幾好玩!!!
我哋就係咁咩都傾傾足成日......傾到我又餓.,
我提議去餐卡食飯.
唔知道點解餐卡突然變成食自助餐,
我坐過咁多次火車,
都未試過食自助餐!!
場面幾咁混亂!
雖然係咁,
又逼又人多,
但有人陪食飯又有人請,
真係太太太開心哪!!!!!
食到差唔多七點,
我哋就番去自己嘅車廂,
19:30 佢就準備要落車,
我講過最驚呢啲別離嘅場面........
19:30 就只有我一個人,
好悶呢!
唯有約好將來有機會去香港或天津再見~~
然後列車準時19:30到站,
佢帶住非常輕巧嘅行李落車,
拜拜哪有機會再見.
佢落車後我發覺我好口乾,
講嘢太多,
好想飲水,
而且條脷有小小打結,
講國語講得太多嘅關係.......
就喺我飲緊水嘅時候,
電話有短訊响,
係天津男SEND 嚟,
短訊內容: 能夠認識你很高興,希望有機會再見.你的眼睛在說話時很漂亮.
問你死未....!
講到呢度,你哋係咪都會覺得佢一定好靚仔啦!
其實佢係好北方樣嗰啲,又大舊,
單眼皮,平頭裝,但真係一個好人,
雖然我無好似戲裡面嘅主角咁,
但可以識多個朋友都幾好!!!
你哋快啲睇呢兩套戲,
話唔定下次坐火車時,
你都識到個勁啱傾嘅朋友~
F