因為八號風球，額外有一日假期，除左好好休息，仲要好好把握時間，整理一下印度嘅相片。
卻發現原來sofia影左好多張我背影嘅相。

無論係大街小巷

定係搭地鐵

又或者參觀皇官

番緊去住嘅地方

仲有影緊相嘅時侯

過馬路小心睇車

留心聽講解

我發現我應該都行得好快

由細到大我屋企都無養過貓貓狗狗，所以不太喜歡小動物。

所以就算男友家中的貓，我都只係望吓，不敢抱佢。

最親密都算係今次

「貓貓,你睇吓呢度.」

「有咩睇,呀pink?」

「係咪好好睇,又得意呢貓貓？」

「後面仲好睇,呀pink」

古怪嘅貓貓成日都鐘意瞓喺櫃桶裡面???

Yeah!又打風,我好想休息一日^ ^

 

今日依然忙碌,但收客數字欠佳，即刻有人打電話落嚟問點解咁差???

做得好收客多又唔見你讚吓!!!!!全世界嘅高層都係咁

夜晚八點幾，個顛佬又係門口出現！又係著住紅色格仔裇牛仔衭，日日都係同一套衫！啱哪!我做到厠所都唔得閒去，又嚟煩我？我要發泄

個顛佬都未開口,我就大聲講」你日日都嚟講埋無聊嘢你煩唔煩????(((好惡嘅話氣)))

諗住佢會繼續講,我又可以閙佢，點知,佢走左????

都唔好玩嘅,但係突然有啲開心,好似將今日受嘅氣完全放左佢身上,Yeah!

覺得自己番工番到好變態

明天夜晚放工又要開會，討厭

昨晚開始又確實燃油附加費又加，又苦了我們，除了要告知客人這個消息外，連之前報八月份出發的客人也需要通知

明明已經交了所有款項，無端端要每人俾多一百幾十，你估佢哋有咩反應？

「セ咁早報名都關我事嘅咩，張機票你哋唔係一早出左嘅咩？(係人都知旅行社唔會一早出晒機票，但啲客偏偏都要問，但若佢哋報左名臨時要改日子改名，呢個時候佢哋又知道機票未出點解要收我哋手續費??

「我唔俾哪,退團呀,俾番晒啲錢我.」

「唔好意思,若你退團要按通知日起計每位收手續費.」

「我唔信我唔俾你哋會唔俾我上機,去旅遊業議會告你……………………………………」

我相信呢幾日至到ハ月我每日都會代表航空公司同所有即將乘搭飛機嘅客人會有一場激烈辯論比賽，而我係正方。我呢個正方其實好想講我一蚊都無得收，你哋嘈我做セ?????

「旅行社只係中間人,燃油附加費係代收，佢哋減我會退俾你所以加都會收番」  呢一句就好似咒語咁全日停唸

係咁多嘢做嘅情况下，呢排個死顛佬(之前提過問有無女朋友介紹果個)晚晚都嚟問無聊嘢，我真係好鬼慶，佢一見到有男同事喺度就走，無人就即刻入嚟,若果佢再入嚟做埋啲無聊嘢又坐喺到唔願走，我真係忍晤住攞釘書機飛過去唔好以為我唔出聲就晚晚嚟！

我呢排好燥,，無事唔好煩我。

昨日放假一直瞓到三點幾先起身好攰呢越瞓越眼瞓。

跟住就去左書展，難得最怕人多擠迫嘅男友都陪我睇。

但其實我好攰，牙肉又有啲痛，是夠瞓引致吧！

幸好書展都不是太多人，見到有咁多新書我勁開心！

我都好想有機會出書呢最好就梗係有關於旅遊嘅書

書展其中有一個booth可以用$60印一本自製嘅書，

印刷質素還可以，我決定做幾本俾自已留念

真開心