好多人排隊等入場!
周圍都人頭湧湧?
Agra Fort真係好大!
我就係愛死這種框框!
喺宏偉嘅Agra Fort 裡面,我覺得自己好渺小。
非常認真欣賞城堡。
世界七大奇景之一-泰姬陵(Taj Mahal)就係位於Agra呢個小城市。呢個景點嘅門票都應該係印度最貴,外國人~750盧比,但係印度人只需要~20盧比,真係非常非常不公平!之所以人山人海,咪就係裡面大部份都係啲印度人無嘢做,平平哋入去涼吓都好,所以搞到勁多人,入場都排晒隊。
呢度真係勁靚,用左二十二年時間,相等於現在ニ十億盧比建造嘅超級豪華陵墓,就係因為一個又靚又叻嘅泰姫一句臨死前嘅一句說話,又適逢佢老公~沙賈汗喺蒙兀兒最鼎盛時期一個非常熱愛建築嘅國王,我哋先可以有機會欣賞如此令人驚嘆嘅建築(之後我參觀左好多皇官以及城堡都係蒙兀兒時期建造)。
過就因為佢掛住起城堡,連個王位都比佢個仔搶埋,最慘係被佢個仔軟禁,傷心嘅國王唔可以去泰姬陵獻花,佢只可以喺隔著亞穆納河嘅阿格拉堡,直至他晚年得到重病無辦法行去窗前望住泰姬陵,唯有利用牆面上一顆顆寶石反射嘅倒影,望著好遙遠嘅泰姬陵……好慘呀!過當你置身於國王最後居住嘅房間(Agra Fort),見到裡面嘅寶石鏡,就更加明白佢當時對泰姬掛念之情。
yep, i was wearing saree.
p.s. my skin is dark. looks like from southeast Asia.
明白…
hello, from your site i know more about india. thank you.
p.s.
我扮indian to enter into the Taj Mahal, they didn’t check my ticket ah.
咁勁嘅你,點 扮印度人出去???
睇相時發現初初到印度景影果啲,我全部都著鄒眉頭老實說在印度旅遊實在讓人感到頗累每日都會遇到令人意想不到嘅事情發生。初到印度幾天,也要依靠必理痛才可捱過。點解我會咁講呢?就係因為我一出街就頭痛頭痛嘅原因有好多………………………..
先講講佢哋嘅路面情况,恆河係一個好舊嘅城市,街道頗狹窄,尤其是在舊城區那邊(即係我住嘅地方)啲路就好似我哋嘅後巷一樣,你試想像一下後巷同時容下了牛、狗、一羣羊、老鼠、垃圾、好多好多人行嚟行去甚至乎瞓喺地下以及連馬騮會喺你頭頂跳嚟跳去,仲有地上面永遠都有好多不同動物嘅糞便以及人嘅尿味(印度男人喺街邊小便)。每日就好似置身於一個好臭又多人嘅動物園一樣,唔頭痛就假。巷仔太多又亂,我經常迷失方向。再加上人力車,三輪車同理汽車永遠都」咇咇」聲響,我簡直想即刻番房瞓覺最慘就係每日出街都必經呢啲巷仔,想避都唔得。
另外仲有好多好多嘅印度男人佢哋先令我最勞氣,直情想嘔血首先我非常明白佢哋對外國遊客充滿好奇心,不排除鋪頭嘅人想賺多啲錢做多啲生意,但係都唔駛咁煩?每日只要我一出街,我都聽到最少二十次佢哋用日文或者韓文同我哋打招呼(佢哋分不開日本人韓國人同我哋有咩唔同)初初基於禮貌關係我都會回應我係中國人,但跟住就」賴嘢」,一連串嘅問題就開始………
「WHAT IS YOUR NAME?」
有時我會答」MARY.」
「NICE NAME!」
甚至我會答」PETER.」
佢哋都話」VERY GOOD!」隨便亂答…..
隨即又問」HOW OLD ARE U?」
我心諗關你咩事
「DO U HAVE BOYFRIEND?」
「ARE U GET MARRIED?」
「DO U HAVE CHILDREN」
「CAN I BE YOUR BOYFRIEND,JAPANESE………..」
好煩呀!!!!!!我只不過嚟旅遊參觀行吓街,點解咁煩!每個人都問幾十個問題,我真係好想放低耳仔先出街,咁樣我可以耳根清靜。我都想多啲同當地人傾計,瞭解多啲有關當地情况,但咁樣點傾啫!仲要喺呢個地方玩耐嘛!
除左用聲音煩你之外,佢哋仲好似未見過女人咁(都真係比較小女人出街),不斷對住你行注目禮,仲會話要同你合照(好難呀!你就想.)有啲仲會用手機偷拍你,好在我細妹見到,仲好大聲好惡咁鬧佢哋,先至無影到。總之類似事件不斷發生。每日都要避開車、男人、動物、垃圾………….真係好攰!
仲有講價都係令人感到好攰嘅環節之一(稍後會有專題討論)
過左大約一個星期之後,開始唔駛再食必理痛,或者我已經慢慢習慣左。番到香港後我忽然覺得香港原來好清靜,有啲唔慣。
所以怕麻煩嘅人可能去唔到印度。
我喺印度經常遇到好多好熱情嘅印度人要求同我哋影相(當然我唔會個個都影)。
小朋友就更加熱情,有時除左要你同佢影相之外,仲會要同你握手,有啲小朋友遠遠見到我哋就不斷講」HELLO」,不斷揮手,甚至乎追住我哋架三輪車。
喺印度我覺得自己好似明星一樣,所以番到香港之後好唔慣,點解無人過嚟同我影相,無人追車嘅?
好, 以后見親你都叫你同我影相!
係呢, 有冇人話你似某個港姐?
港姐???
我上個禮拜才從印度回來,也有同樣遭遇,但要求合照的通常是口花花男生,我通常不予理會。試過偶爾應酬一下竟被「抽水」!有些人索性偷拍,令我覺得自己像馬戲團小丑多於明星。但撇開這些不談,印度實在令人迷醉,我一定會再去!
我完全明白你感受,喺印度果時覺得好煩,番到香港好唔慣。
PINKY快D幫我簽個名 X:::DDD