舊 Yahoo Blog
最近我好鐘意睇呢個blog—五個背包的廿七天練習曲
幾個剛畢業嘅學生去了一次台灣環島旅行，內容鬼馬又抵死
得閒支持吓佢哋。
http://hk.myblog.yahoo.com/yykeri
睇完個blog令我諗番N年前一次絲路+四川之旅，好似玩左兩個幾月！可惜N年前唔興DC唔興寫blog,若果唔係都幾好睇!!!
當時組合有四人,可惜有人已經結婚生仔,無得再去流浪
(攝於南疆紅其拉甫,巴基斯坦邊境)
若果有時間等我SCAN番啲相睇吓。
等你慢慢 scan!
MAYBE LONG LONG TIME ,WAIT FOR ME
喂呢個blog我間唔屎都有睇呀,好鬼正真係~~~~~~
幾好睇
上次講到我哋住左一晚間房後,搬左去另一邊,點解呢??
話說原先住果間房除左細間啲熱啲都無咩,四腳蛇
就梗大把啦,蚊就唔小得,瞓左一晚第二朝早就去左GuestHouse間餐廳食早餐。
餐廳嘅view對住海超靚超舒服
食完早餐開開心心諗住番房執嘢出去行吓啦，就係呢個時候俾我發現左間房有…………….隻好大嘅老鼠條尾仲好長!!!!!!簡直嗌救命都嚟唔切，隻老鼠其實喺天花板(自己搭嘅天花板)我哋即刻執晒所有嘢入背囊，期間又不停望住天花，勁驚隻老鼠跌落嚟。
跟住就即刻同GuestHouse個Mama講有無第二間房轉？但全部都滿晒!!!!點算呀??我無可能晚晚望住天花？若果隻老鼠跌落嚟咪死!!!
唯有出去再揾地方搬啦!!!但係全部唔係滿左就係貴，而且天花板都係自己搭建,咁即係老鼠一樣入到嚟!!!
本來今日係沙灘有market 行嘅日子,我哋都係出去行完先算哪!!!!(竟然仲有心情shopping)???
就喺我哋番嘅時候,有個外國人執行李走,而且佢果間房係
用石屎做天花，間房又大啲，仲有窗添!!!雖然貴多Rs50一晚,但梗係即搬啦!!!
但一路執嘢時,真係好驚有老鼠入左我哋嘅背囊度！
就係呢件事全村人都知我哋怕老鼠(只有印度人唔怕)
但係咪搬左第二間房就有好日子過呢????
尤如置身於葡萄牙一樣
若果你想有一個陽光與海灘的假期，但又厭倦了滿佈遊客而變得商業化的布吉島，印度的GOA是你最佳選擇。
GOA 位於印度孟買南面的一個小邦，靠著阿拉伯海岸，擁有超過一百多公里長的海岸線，有大大小小三十多個沙灘,遠看就像一幅椰林樹影，水清沙幼的圖畫一樣。
曾經被葡萄牙統治了超過四百五十年的GOA，四周隨處可見白色教堂以及修道院，葡式建築的房子更加多得很，若果不是在沙灘見到牛羣在曬太陽，我也忘記自己正身在印度。
每年十二月至三月是GOA的旺季，一大群歐美旅客都乘搭他們的直航包機，避開歐美的寒冬，享受可愛的炎夏。由於GOA亦是世界上有名的電子音樂聖地，一場又一場在沙灘舉行的Full Moon Party，正正是年青人前往GOA的主要目的。
我選擇住在最熱閙的沙灘－Anjuna,除了因此處有數不盡的民宿、餐廳以及酒吧外，亦因為方便我購物。逢星期三從早上到黄昏，Anjuna Beach 變成一個無旅客不知的跳蚤市場，由印度人、西藏人甚至是長期旅居在GOA的歐美人士擺賣，從手工藝品、衣服、樂器、自己設計飾物以至擺設都有，種類多不勝數,喜歡購物的人有福了。若果逛得累了，裡面亦有很多臨時搭建的酒吧，可以坐在沙灘上，一面喝冰凍飲料，一面看着旅客討價還價的情景，別有一番情趣。
若嫌在炎炎陽光下購物比較辛苦，可以前往另一個在晚上舉行的跳蚤市場，逢星期六黄昏舉行的Ingo Market,從Anjuna Beach 乘坐三輪車約需十五分鐘便到達，除了琳琅滿目的攤販外，還有不同國家美食可以品嘗，亦有DJ現場打碟，來自不同國藉的旅客一起載歌載舞，喜歡熱閙的朋友千萬不要錯過。
當然來到滿佈沙灘的GOA,一定要好好享受日光浴，可帶著你喜歡的書本，坐在沙灘椅上，渡過著一日又一日的假期。若果想看看葡式建築以及大教堂，亦可效法歐美人士租一台電單車，到Old Goa四處拍照，感受異國風情。
看到這裡，你下一站的目的地會是GOA嗎?
http://www.blowater.com.hk/index.php/4904/action_viewspace_itemid_24215.html
哈哈!唔好意思，應該係新德里，完全唸錯打錯名。
(Empty)
我想問問，這地方近DELHI嗎?
因為我去在加爾各答留14天做義工，之後坐內陸樹去德克蘭，若由德克蘭去GOA怎樣去呢? 謝!
我想問你德克蘭…係伊朗嗰個???定係印度嘅邊度???寫英文地方名. GOA 接近南印度.由孟買去會近啲,坐飛機都要一個小時.
由Mumbai 坐內陸機前往Goa不用一小時，但坐車嘅話又要兩日所以今次要豪一次坐飛機
可惜來回程都Delate,討厭。
就係呢間SpiceJet,自己上網訂就得哪，印度有很多廉價航空公司選擇。
抵達機場後，照原定計劃，揾車去Anjuna Beach(下次詳細介紹)，一早知道Anjuna Beach 離機場好遠，而且車錢都算幾貴，所以揾車嘅過程擾攘左好耐(又係因為講價)，到真正可以上車，諗住都算順利嘅時候，司機開車都未夠十分鐘，竟然提出去」埋站」(即係要去購物而佢有佣分嘅地方)我即刻黑面,又攰又熱兼且就嚟天黑，仲喺度煩我
車錢已經好貴啦，而且我仲未揾地方住，我話要即刻去Anjuna Beach.
個司機見硬功唔得，就用軟功，又話今日只得我呢個客，入去唔駛買嘢扮睇吓十五分鐘就得，我大聲話NO,講咁多次煩唔煩!!!!
就係因為無得埋站佢開車就亂嚟,時快時慢，勁討厭。
好辛苦終於到左Anjuna Beach,但又輪到煩揾地方住，由於12月開始係Goa旺季，平嘅房所剩無幾，貴又唔捨得住，好彩最終俾我哋揾到間Rs250一晚即係$50,仲有私人洗手間，不過無熱水。不過咁熱嘅地方無熱水都無所謂。
忘記左影房裡面,但出面就係咁…………..原先我哋住左手面嘅房,但第二日就搬左呢度,下次講點解??
