無校服著嘅？

 著拖鞋都得？

紅色又得？

好似壞學生！

壞學生都用打橫書包！

都話好興打橫書包款

好老嘅學生

今集主要俾大家知道印度最潮嘅書包款式(橫形書包)，原來

佢哋襯咩鞋番學都得！

喺印度旅行時，最開心總係見到天真可愛嘅小朋友，見到佢哋番學，忍唔住影左好多相，喺呢度特別多謝各位小朋友嘅合作。你哋都欣賞吓印度校服LOOK。

喺Varansi見到嘅幼稚園人力車，裡面坐著活潑可愛嘅小朋友番學。點解印度父母咁放心可愛小朋友坐呢啲人力車番學嘅?我暫時無喺其他國家見過。

喺恒河遊船睇日出係唯一嘅旅遊觀光節目，當然你可以睇埋日落。大約清晨四點幾我已經起身(因為停电電關係熱醒左),大約五點半河階己經有好多船夫不斷問你’boat」?遇上幾位小朋友(童工)一直跟住我哋，幾經講價，終於以60盧比一小時成交。但係原來由佢哋開船，真係有啲擔心，但既然都講好左，唯有上船啦。

清晨嘅恆河有點涼，其實係幾凍就真。坐船其間問到小朋友點解唔駛番學，佢哋話七點至番，每日都係一早起身賺錢然後再番學，跟住佢哋就攞左啲水燈出嚟，不厭其煩咁叫我哋買嚟許願，見佢好似好慘咁，又好過喺街問人攞錢，所以都有幫襯佢哋。

恒河中斷浮現垃圾，仲有狗嘅屍體，非常嘔心。我當時越坐越驚，若果隻船有咩意外我跌左落河，咁點算？飲滴露都唔掂。好彩掛住睇日出，然後就夠鐘可以上船。但個小朋友竟然問我哋要唔要坐多一個鐘？乜你唔係要番學咩？

喺印度麥當勞並非通街都係，只有大城市孟買、德里等先見到。我都食過兩餐麥當勞，最主要係借個厠所用吓。

同香港最大分別嘅係，呢度除左無牛肉食之外，連豬柳漢堡都無！(印度好小地方有豬肉食,牛肉更加唔駛諗)連麥樂雞都無！只有麥香雞以及素食漢堡，以及圖中所見SHAHI CHICKEN好似雞批咁但好勁香料味。至於素食漢堡即係炸薯仔加埋包。

想知道食緊果啲係素食定係非素食，吓個盒有紅點(非素食)定綠點(素食)就知。至於價錢方面同香港差唔多，所以喺印度算幾貴，並非人人都食得起。