新工作的環境及模式不適合我！令我覺得好似賣時間比公司咁，我不想再番。

每日喺公司都聽住」天使愛美麗」嘅soundtrack更加容易令人發夢，夢見自己又到印度。喺印度時，雖然經常無水無電，無得用熱水沖涼，成日又要同狡猾多詐既印度人溝通，但都好開心。點解番工咁悶！

我做過幼師、化妝、sales、領隊………………….究竟我想做咩工?

我諗我患左「旅遊後思念印度病」，無得救！

雖然只係留喺呢度三日，雖然呢個地方係臨時加嘅行程，但我就係愛上了 Dharmsala，對於前往西藏更加響往。

此處是達賴喇嘛演講之地，每年都有數以萬計的信眾為了一睹他的風采，特地而來。每逢演講之時，想找一張床都很困難。

我就係坐呢架長途巴士由New Delhi往Dharmsala，〝坐〞足十六小時。中間停了兩次休息站，可以食吓嘢去吓厠所咁，呢張相亦都喺停休息站時影。由於車上面主要都係印度人有幾個西藏人，大部份都係男人，我哋去完厠所都企喺車旁等，好過俾人當動物咁睇。

喺呢度隨處都可見到很多有關藏族物品及藏人，令你置身於西藏一樣。

我住嘅Om Hotel 房間外面，是欣賞風景、晾衫和寫日記的好地方。

房屋都置身於半山區，印度嘅避暑勝地。

房價一晚大約港幣四十元，用公共厠所，但乾淨光猛，熱水足夠，餐廳早餐好味，推介入住！

Dharmsala 有好多好味嘅餐廳，呢間由韓國人開韓國餐廳，佈置得好有韓國感覺。仲有烤豬肉同泡菜食。

 

今日去左見工好順利，下星期就要即刻番工。

悠長假期即將結束，唯有收拾心情努力工作。

我會為下一個悠長假期而努力，畢竟太多地方想踏足。

新工作與之前的工作模式完全不同，新工作新同事新環境我希望能夠盡快適應。

我會繼續抽時閒寫更多印度資料，有興趣嘅朋友請多多支持！