很多朋友都覺得我一個女子去印度可以嗎?
首先我想講我不是無朋友的,
我都好想有人陪我一齊去,
但要搵一個喜歡去印度嘅人好難,
要揾一個志同道合嘅旅伴仲難!!!
我認為志同道合的定義,包括:
喜歡落後地方更多於城市,
喜歡慢慢地從一個城市移動到一個城市,
旅程盡量要符合最經濟的原則,但有時都要食好啲,
不要定下任何行程,喜歡就留下不喜歡就走.
本來妹妹是我的最好選擇,(兩年前的印度之旅很快樂)
但她喜歡她的工作,我不能夠叫她放棄.
與其找不到合適的人,
倒不如自己一個人去.
適應能力都不錯,
基本上我覺得無嘢係無可能嘅.
無理由一個男仔去就得???
你會唔會去實行,
其實就係睇吓你有多在乎!
我喜歡去印度,
就如你們喜歡日本一樣!
所以於我來說去邊都可以一個人.
出發前我只是考慮過一個問題,
就係無人同我影相.
不過現在都覺得無所謂了,
不一定要把自己放在名勝相片上才叫旅遊的,
有時和村裡的小朋友玩玩,
有時跑到廚房看看,
也是很好的體驗.
只是有時想笑又無人同埋你一齊笑就慘啲.
如果真的好想去,
又搵唔到旅伴,
都唔排除這個可能的!
我倒是很佩服我媽媽,
她不但對我們幾姐妹經常周圍去很放心,(我嘅細細妹將於4月尾去歐洲兩個月)
還非常支持我們要多去看看這個世界.
我真的很幸福.
有家人和男友的支持,
一個人旅遊,於我來說完全沒有問題,
當然我經常都很想念他們的.