因為喺Goa坐三輪車好貴,所以我哋第一次搭巴士。
目的地Musa要轉三次車先到,又熱又迫。
而且坐車方法好特別,首先喺巴士總站你要大叫目的地個名」Musa」然後果架車司機就會應你,並唔係所有車都好似上圖咁寫明目的地。若果喉嚨痛點算呢?
喺巴士上有個學生走左去司機度都無人鬧,咁都得嘅???
前幾篇網誌講過我哋間房有老鼠!!!!!之後搬左房,諗住無事可以安心瞓覺,點知…………….
就喺夜晚時,正係Sofia喺厠所沖涼既時候,佢突然用好陰聲細氣嘅聲叫左〝家姐〞幾次,到我聽到佢叫我時,佢個樣已經想喊,見到厠所有〝中型小强〞,我即刻用拖鞋打死左佢其實我都好驚,好彩係中型,而且我係家姐嘛。
同一個晚上,就喺我哋坐喺床睇書時,突然見到有黑影從廁所標出嚟。
果然又係〝小强〞,不過今次係超大隻,見到都腳軟
佢仲爬到天花板,超驚佢跌左落嚟!
我同sofia不斷諗點算?原來仲有幾隻添……..好想喊!!!
我曾經努力鼓起勇氣諗住打落佢,但〝小强〞果樣超核突,打唔落手!!!!
喺追逐期間又撞〝魚〞隻腳!間房又點左蚊香,而且又因為怕有其他小動物飛入嚟,所以一直不敢開窗!所以熱到好似焗蒸氣咁,再加上追逐小强,全身都流晒汗
已經係夜晚十一點,再咁落去都唔係辦法????我決定去餐廳揾人救我哋。
一開房門,出面好涼又舒服!好彩餐廳仲有人
但係英文小强點講呢???
〝hello〞
〝not sleep yet?〞
〝my room have something can not sleep〞
〝what?〞
〝am…………animal〞
〝what?〞
〝big〞
就係咁佢跟左入房,指比佢睇,佢就明白,但係梗係俾佢笑
臨走前佢仲講左句〝your room so hot!〞
我夠知啦!!!邊敢開窗啫!!!
同樣事情發生左幾晚,我哋終於知道小强由廁所入嚟,後嚟我哋用方法封左個孔就無事……
當然又係全村人都知我哋又怕老鼠又怕小强啦!!!不過佢哋都以為我哋係韓國人^ ^
我都係超驚小強架!我10月10日就出發去印度啦,點算呀?印度係咪好多小強架?plan左幾個月睇左你個blog好多次,臨出發先睇到呢篇……><
….就嚟出發,好開心吖! 行程點呀?? 小強都多㗎,但你住…GUESTHOUSE 就多啲???
哈哈哈,好攪笑呀, 不過我超驚小强架….反而老鼠冇咁驚….
兩樣都好驚
睇番好好笑, 不過想像到你地當時勁驚!
你地用咩方法封左個孔? 什麼孔來的?
我哋個樣去到印度都被視為「東方水魚」(即係 = My Friend),雖然冇歐美水魚咁肥,但食落都半飽。
而「東方水魚」嘅排名多數都係:
第一位:韓國人 (錢好多 )
第二位:日本人 (「以前」錢好多 )
第三位:Chinese (包括中港台) (開始錢好多 )
我的泰國朋友似乎10名不入,冇乜人估到。 (佢哋冇錢 )
(Empty)
pinky.. 小強個英文係」cockroach」.. 哈哈… 你既經歷…令我諗起我上次同家姐佢地去cebu.. 第二日落雨…走左D一條條深啡色無口既蟲入房.. 佢又唔咬人… 係間房度行黎行去.. 一掂佢就卷成一餅好似瑞士卷咁(咁樣諗無咁肉酸!).. 哈哈… 我就真係成晚」捉蟲」唔大佬… 我同我啊哥好鐘意玩」拍小強遊戲」..嫁..鬧飛得中.. 以前媽咪公司好多嫁… 佢地一堆堆嫁.. 你見到一隻…就一定係有一大堆先會咁既!!!
(Empty)
我第一次上來 , 多多指教 !
我減左 18 磅 , 得閒上黎我個 Blog 睇下喇 !
My love — 朱古力蛋糕
COVA蛋糕真係好好味
多謝屋企人預早同我慶祝生日!!
仲有多謝男友份禮物