喺印度每日都會見到無數咁多嘅小朋友，個樣好可憐，無鞋著，甚至無衫著。亦有媽媽拖住幾個小朋友不斷向你做出想吃東西的動作。

他們總係坐喺地上，只要見有遊客經過就會拉著他們的衣服不斷說「one Rupee」，「madam give me one rupee」,有些遊客會視而不見，有些會快快拿出硬幣給他們，亦有些好心的人會去士多買些餅乾給他們。

雖然只是一盧比(港元1=印度盧比5)對於生長於超級幸福的香港人，簡直是跌左都唔覺，但係我又俾得幾多個？為免引嚟更多人包圍，我決定一個都不會俾。

反而我更欣賞有些會去工作賺錢的小朋友(印度有很多童工)，他們可能替人擦鞋、送茶又或是賣紀念品，我可寧願幫襯他們，也好過只懂向人拿錢的。

我希望印度的小朋友都能夠努力在逆境中生存，我相信未來的印度會因你們而改變，變得比現在美好。

下次去印度之前請記得首先放低你的同情心！

Varanasi  －恒河，印度教徒心目中的聖地，他們深信只要能夠喝一口恒河水，淋浴於恒河中以洗清罪孽以及死後把骨灰撒在恒河裡，都係他們一生中的重要事情。所以有好多印度教徒就算要瞓街瞓火車站都係希望到此地朝聖。

每日都會見到相中所見嘅場面，有好多好多人喺條河沖涼，尤其係每日清晨時間，無論男男女女，大人還是小朋友，都會在河中淋浴，甚至乎在游泳。而旁邊亦有人刷牙洗衫煮飯，有小朋友玩水，亦有依靠遊客坐船遊覽嘅船夫在兜生意，總之場面好熱閙。

而喺距離遠嘅河階(Manikarnika Ghat)就係著明的火葬場，由於要尊敬死者的關係，所以嚴禁拍攝，只好在遠處觀看，偶然會見到一啲白色煙慢慢升起，不過就算你近距離都唔會見到啲咩，所有屍體都用布包着，不會覺得恐佈，反而旁邊嘅氣氛更令人慨嘆，原來死亡同我哋好接近。

除了火葬還有水葬，因為並不是所有人皆可以選擇火葬儀式，如果死者是小孩子、孕婦或被蛇咬的人也不可以用火葬。

我就住在河階旁的民宿，經常性都可以看到不同的遊客都愛對着恒河坐在河階上發呆，又可能係冥想吧！我可沒有他們那麼有閒情逸致，河階旁邊不是有牛就是有羊，地上盡是動物糞便，亦有很多煩人嘅船夫不斷問你要不要坐船遊覽，這樣的環境下，我選擇坐在民宿的露天餐廳，一面望著恒河，一面喝著可口可樂(可惜不是凍的)，再聽著i-pod又或者與不同國藉遊客間談，在這裡幾天的黄昏都是這樣渡過。

大約七年前，從我接觸到第一本關於印度既旅遊書《沙漠中傳來的鼓聲～尤可欣》開始，我要去印度呢個念頭從來都無停止過。後來連尼泊爾都到過，我覺得印度更加不去不可。

很多到過印度既人都會話，印度係一個令人感到好極端既地方，你可能會愛上她,亦可能會討厭她，我就係要去親身感受一下,究竟我會愛上她,還是討厭她。

適逢感到工作苦悶枯燥，決定重拾背包，用了大約一個月時間預備，出走印度，實現夢想。

很多身邊朋友知道我決定去印度都會話：「你自己去好危險喎！」「印度好污糟邋遢」「點解要去呢啲地方?」……………………………………

唯獨都係家人最暸解我，知道我決定去印度後，都只係話「去之前記得打針」「唔好亂食街邊嘢」 「番嚟快啲揾嘢做」……………………..

就係咁我就出發喇！